LUKAS 1:72 - BIBEL JAMITA NA DENGGAN

⁷² Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

LUKAS 1:72 Referans Kwoze

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

HAMALIMON 26:42

ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.

SURAT NI SI PAULUS TU PARLAGUTAN ROM 11:28

Mangihutkon Jamita Na Denggan i, musu do halahi hara ni hamu, tapi mangihutkon pamilion i haholongan do halahi hara ni angka ompu i.

JEHESKIEL 16:60

Tapi ingotonKu do parjanjian na dung Hubaen dohot ho taran di haposoonmu dohot na mambaen parjanjian na hot dohot ho salolot-lolotna.

PAMUNGKAAN 28:14

Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

MASMUR 111:5

Dilehen Ia rasoki di halak na burju marugamo, jana na sai marningot di janjiNia.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

PAMUNGKAAN 22:18

Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

MASMUR 105:42

Dibaen ingot do Tuhan di janjiNia na nibaenNa dohot si Abraham, naposoNia.

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,