LUKAS 1:70 - BIBEL JAMITA NA DENGGAN

⁷⁰ Songon na dung dihatahonNia narobi markite-hite angka panurirang na nipiliNia,

LUKAS 1:70 Referans Kwoze

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

SURAT NI SI PAULUS TU PARLAGUTAN ROM 1:2

I ma na nijanjihon ni Debata najolo markite-hite panurirangNia, songon na tarsurat i di Buku Na Badia.

BAENON NI ANGKA RASUL 28:25

Jadi morot be ma halahi sian inganan i marsioban pandapotna be, dung jolo didok si Paulus songon on, “Tutu ma na nidok ni Tondi Parbadia markite-hite Panurirang Jesaya tu angka ompumunu i!

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

MARKUS 12:36

Si Daud sandiri, marhite panuturi ni Tondi Parbadia mandok: ‘Madung didok Tuhan i do tu Tuanku: Juguk ma Ho di siamunKu lopus Hubaen sude angka musuMu tunduk tu Ho.’

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

2 SAMUEL 23:2

Mangkuling do Tondi Ni Tuhan markite-hite au; tona dohot parentaNia sai di bibirku.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

IBRANI 3:7

Hara ni i songon na nidok ni Tondi Parbadia, “Muda dibege hamu sadarion sora ni Debata,

2 PETRUS 3:2

Husosoi hamu anso diingot hamu mangulahi angka hata na nidok ni angka panurirang ni Debata nahinan, dohot parenta ni Tuhan, Kristus na nipasahat tu hamu markite-hite angka rasul.