LUKAS 1:48 - BIBEL JAMITA NA DENGGAN

⁴⁸ Angke diingot Ia do au, naposoNa na bile on! Mamungka saonnari sude ma halak mandokkon au na martua,

LUKAS 1:48 Referans Kwoze

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

MALEAKI 3:12

Jadi dokkonon ni sandok bangso ma hamu na martua, angke gabe tano siinganan na denggan do tanomunu.”

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

LUKAS 11:27

Dung didokkon Jesus songon i, mangkatai ma sada anak boru sian halak na bahat i. Didok ia ma tu Jesus, “Martua ma dadaboru na manubuhon dohot na pasusuhon Ho!”

MASMUR 136:23

Nada dihalupahon Ia hita dompak ditaluhon hita, hot do holong ni rohaNia sapanjangna.

LUKAS 1:42

Dung i mangkuling ma ia marhite sora na gogo, “Dipasupasu do ho sian sude dadaboru jana dipasupasu muse ma parbatu ni butuhamu.

LUKAS 1:28

Jadi ro ma surusuruan i tu si Maria mandok, “Horas ma di ho, bujing-bujing na nipasupasu ni Tuhan! Sai rap do Tuhan i dohot ho!”

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.

PAMUNGKAAN 30:13

jana didok si Lea ma, “Na martua ma da au antong.” Jadi gabe dibaen ia ma goar ni dakdanak i, si Aser.

MASMUR 102:17

TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

LUKAS 1:45

Martua ma ho, hara ni na porsaya ho angkon tulus do na nidok ni Tuhan i tu ho!”

LUKAS 1:49

hara ni Na Markuaso i, na dung mambaen angka pangalaho na godang tu au. Na Badia do goarNa.