LUKAS 1:30 - BIBEL JAMITA NA DENGGAN

³⁰ Dung i didok surusuruan i ma tusia, “O, Maria, ulang ho mabiar dibaen jop do roha ni Debata mida ho.

LUKAS 1:30 Referans Kwoze

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

MATEUS 14:27

Tapi manigor digora Jesus ma mangalusi, “Pasonang hamu ma! Au do i. Ulang mabiar hamu!”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

MATEUS 28:5

Didok surusuruan i ma tu angka dadaboru i, “Ulang hamu mabiar! Huboto do na manjalahi Jesus na diparsilangkon i do hamu.

JESAYA 44:2

Songon on ma hata ni Tuhan, na manompa ho na mambaen ho hatiha di bortian jana mangurupi ho. NaposongKu do ho, ulang mabiar rohamu, ho do bangso na Huhaholongi todoan ni rohangku.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

BAENON NI ANGKA RASUL 27:24

Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

PAMUNGKAAN 6:8

Tapi anggo mida si Noak sonang do roha ni Tuhan.