LUKAS 1:22 - BIBEL JAMITA NA DENGGAN

²² Jadi ujungna di na ruar ia, nada malo be ia mangkobari tu halahi. Dohot tangannia sajo noma ia mambaen tanda-tanda, jana laing ngungu. Gabe tarboto ma tu angka halahi na niidania do sanga aha parnidaan di bagasan Bagas Ni Debata.

LUKAS 1:22 Referans Kwoze

LUKAS 1:62

Dung i dihilap halahi ma si Zakaria laho manyapai sanga ise do baenon goar ni dakdanak i.

BAENON NI ANGKA RASUL 21:40

Jadi dung dipaloas komandan i si Paulus mandok hata, jongjong ma ia di tangga i, dihiap ia ma dohot tangannia. Gabe sip ma sude halak na disi i. Dung i mandok hata ma ia di hata Ibrani. Didok ia ma,

BAENON NI ANGKA RASUL 19:33

Ninna roha ni na deba, hara ni si Aleksander do boncirna, angke ia do na nionjar-onjar ni halak Jahudi i tu jolo. Gabe martudu ma ia anso mandok hata laho mambela dirinia di jolo ni halak na bahat i.

BAENON NI ANGKA RASUL 12:17

Jadi dihiap si Petrus ma halahi anso hohom dung i dibaritahon ia ma tu halahi pardalanna na diparuar Tuhan i ia sian hurungan i. Jadi ning ia ma, “Paboa hamu ma jolo on tu si Jakobus dohot tu angka dongan na asing i.” Dung i kehe ma si Petrus manadingkon inganan i tu inganan na asing.

JOHANNES 13:24

Jadi dihilap si Simon Petrus ma tusia anso disapai ia tu Jesus sanga ise na nidok ni Jesus.

JEHESKIEL 3:26

BaenonKu ma jogal dilamu anso ulang tarbaen ho paingotkon bangso pangalo on.

LUKAS 1:21

Jadi laing tarpainte-inte ma halak i di si Zakaria. Homang ma halahi biasi songon i honokna ia di bagasan Bagas Ni Debata.

LUKAS 1:23

Dung abis hatihania markarejo di Bagas Ni Debata, mulak ma si Zakaria tu bagasnia.