KOLOSSE 4:8 - BIBEL JAMITA NA DENGGAN

⁸ Husuru do ia manopot hamu anso diboto hamu sanga na bia hami jana anso tarapul rohamunu.

KOLOSSE 4:8 Referans Kwoze

EPESUS 6:22

Hara ni i ma umbaen na husuru ia mandapotkon hamu laho paboahon sanga na bia hami tu hamu sudena laho mangapoi rohamunu.

KOLOSSE 2:2

Sai margogo ma nian roha ni halahi, jana marsihaholongan ma halahi anso gabe solkot halahi mardomu. Muda tutu halahi mangarti gabe maruli pos ni roha situtu ma halahi. Jadi mur tangkas muse ma tandaon ni halahi rahasia ni Debata; i ma Kristus sandiri.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

1 TESSALONIKA 5:11

Hara ni i, marsipaingotan ma hamu jana marsipatoguan di haporsayaan, laing songon na nibaenmunu saonnari.

1 TESSALONIKA 4:18

Antong marsipatoguan roha ma hamu, mardongan angka pandohan on.

1 TESSALONIKA 3:5

Jadi dung so tartaon be lungunna, gabe husuru ma si Timoteus, anso huboto sanga na bia pangalaho ni haporsayaanmunu. Songon na ganggu do rohangku betak na nigoda ni tukang goda i do hamu, gabe sayang sude halojaonnami i.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

1 TESSALONIKA 2:11

Diboto hamu do, songon sada ama maradopkon angka dakdanakna do pambaennami maradopkon hamu.

PILIPPI 2:28

Hara ni i muse ma umbaen na mur gogo rohangku marsuru ia mulak tu hamu, anso marjop ni roha hamu mangulahi dung marsuo dohot ia, jana rohangku pe gabe sonang.

2 KORINTUS 12:18

Madung husuru si Titus manopot hamu, jana husuru muse do dongan Kristen na deba nari kehe rap dohot ia. Adong dehe untung dibuat si Titus sian hamu lakna? Hape rap markarejo do au dohot ia, sarupa do rohanami, pambaenannami pe sarupa do!

2 KORINTUS 2:7

Saonnari angkon ampunanmunu ma ia jana sosoanmunu mangulahi anso ulang mamarsaktu ia gabe mandele.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

1 KORINTUS 4:17

Ihut tusi madung husuru si Timoteus mandapotkon hamu. Songon halak siihutkon Kristus, songon anakku sandiri do ia na huhaholongi. Anak haposan do i. Paboaonnia ma tu hamu sanga na bia ngolu na hudalankon dung porsaya au tu Kristus, i ma pardalan ni ngolu na huajarkon di ganop parlagutan sanga na di dia pe.

JESAYA 40:1

“Apoi, apoi hamu ma bangsongKi,” ninna Debatamunu, “Apoi, apoi hamu ma halahi!