KOLOSSE 4:7 - BIBEL JAMITA NA DENGGAN

⁷ Si Tikikus donganta i ma paboahon tu hamu sasudena na mardomu tu au. Burju do ia markarejo rap dohot hami tu Tuhan i.

KOLOSSE 4:7 Referans Kwoze

2 TIMOTEUS 4:12

Madung husuru si Tikikus kehe tu Epesus.

BAENON NI ANGKA RASUL 20:4

Rap ma si Sopater anak ni si Pirus halak Berea i dohot ia; songon i muse ma si Aristarkus dohot si Sekundus halak Tessalonika dohot si Gayus halak Derbe. Dohot si Timoteus, si Tikikus dohot si Tropimus halak na sian Asia i.

TITUS 3:12

Disi husuru si Artemas sanga si Tikikus manopot ho, usahohon ma manigor anso sigop ho ro mandapotkon au tu Nikopolis, harana giot disi do au ninna rohangku salolot musim ngali.

KOLOSSE 4:9

Rap kehe do si Onesimus dohot si Tikikus; halak hamu on do ia. Ia pe na burju do jana holong do rohanami disia. Paboaonnia ma dohot si Tikikus tu hamu sasudena na masa di inganankon.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

KOLOSSE 1:7

Si Epafras do na pasahatkon i tu hamu, i ma ale-ale haholongannami i. Parkarejo ni Kristus do ia na sai burju tongtong markarejo laho manyarihon hamu.