KOLOSSE 4:6 - BIBEL JAMITA NA DENGGAN

⁶ Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.

KOLOSSE 4:6 Referans Kwoze

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

PARJAMITA 10:12

Hata ni halak na pistar do mambaen sangap ia, hape anggo halak na oto, mago do hara ni hata-hatana.

MARKUS 9:50

Jeges do sira i, tapi muda hambar daina, bia ma baenon paancimkon sira i? Antong, sai gabe songon sira ma hamu – rap mardame-dame ma hamu sama hamu.”

PODA 15:4

Hata na denggan patamba semangat, hata na pahancit roha pagalehon roha.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

MATEUS 5:13

“Hamu do sira ni portibi on. Muda hambar sira i, tarpaancim dope he i? Nada adong be guna ni i. Siambungkononkon noma i anso didege-dege halak.

PODA 10:21

Hara ni hata ni halak na burju, bahat halak dipasupasu haotoon ni halak na bodo mangago dirina sandiri tutu.

MASMUR 119:46

Baritahononku ma aturanMi tu angka raja, jana nada au gabe marhahaila.

MASMUR 105:2

Endehon ma puji-pujian di Tuhan, baritahon hamu ma sandok hahomangan na nibaenNia.

MASMUR 45:2

Sian sandok na margoar jolma, raja i do na jumogi, gok na denggan do angka hata ni raja i, angke antong sai na hot do Debata mamasumasu di raja i.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

MASMUR 119:13

Marsora na gogo giot pabotohononku sandok uhum na nilehenMu.

MASMUR 66:16

Ro ma, jana tangihon hamu ma, o sude hamu na burju, paboaonku ma pambaenan ni Debata tu au.

1 JUJUR TAON 16:24

Paboa hamu tu angka bangso hagodanganNia, hagogoonNa tu jolma manusia.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

HAMALIMON 2:13

Sude haul gandum angkon siraanmunu, angke sira i do na gabe tanda parjanjianmunu dohot Debata. (Sude silehen-lehenmunu angkon baenonmunu sira.)

JEHESKIEL 43:24

lalu oban ma tu Au. Angkon sirsirkonon ni malim do sira tu ginjang ni pahan-pahanan i jana tutungonna i gabe haul di Au.