KOLOSSE 4:3 - BIBEL JAMITA NA DENGGAN

³ Laing tangiangkon hamu ma hami anso dilehen Debata di hami hatiha na denggan laho pararatkon rahasia na sian Debata taringot tu Kristus i. Angke hara ni i do umbaen na pola tarhurung au saonnari.

KOLOSSE 4:3 Referans Kwoze

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

KOLOSSE 1:26

i ma jamita na nirahasiahon ni Debata tu sude jolma marribu taon honokna, hape saonnari dijamitahon do i tu angka halakNia na badia.

2 KORINTUS 2:12

Dung lalu au di Troas, laho manjamitahon Jamita Na Denggan taringot tu Kristus i do nian maksudku. Madung tarbuka muse dalan dibaen Tuhan i di au laho markarejo di inganan i.

2 TIMOTEUS 2:9

Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

1 KORINTUS 16:9

Topet do hatihana saonnari dison mambaen karejo na mararga, haru pe bahat muse halak na mangalo.

1 KORINTUS 4:1

Etong hamu ma hami angka pangoloi ni Kristus, na manjagit tanggung jawab laho manjamitahon angka sangkap ni Debata na so diboto portibi on dope.

1 TESSALONIKA 5:25

Tangiangkon hamu ma hami, ale angka dongan!

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

PILEMON 1:22

Jadi laing pasingkop muse ma jolo ingananku di bagasmu, angke arop do rohangku tangihonon ni Debata do tangiang ni hamu sudena jana obanonNia au mangulahi tu tonga-tongamunu.

PILIPPI 1:19

angke huboto do, hara ni angka tangiangmunu i dohot hara ni pangurupi ni Tondi Ni Jesus Kristus angkon malua do au.

2 TIMOTEUS 1:16

Tapi anggo na sian bagas ni si Onesiporus madung adong sanga na piga noli dipajop ia rohangku. Ibo ma roha ni Tuhan, sai dilehen ma tu halahi asi ni rohaNa. Haru pe tarhurung au, nada pola maila si Onesiporus marnida na masa tu au.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

EPESUS 3:3

Diungkap Debata do rahasia ni sangkapNia jana dipajojor Ia i tu au. (Taringot tuson madung husuratkon i saotik nangkin di ginjang,

EPESUS 3:4

jana muda disise hamu i, botoonmunu ma rahasia taringot tu Kristus i songon na huboto i.)

EPESUS 3:9

dohot muse, anso marhite sian au botoon ni halak ma sudena sanga na bia Debata na manompa langit dohot tano on patuluskon sangkap na nirahasiahonNia i sian narobi, tu portibi on.

KOLOSSE 4:18

Tabe sian au si Paulus. Au sandiri do na manyurat bagian on. Ulang lupa hamu bahaso na tarhurung dope au! Sai dipasupasu Debata ma hamu tongtong.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.