KOLOSSE 4:2 - BIBEL JAMITA NA DENGGAN

² Pupu hamu ma na martangiang jana jonggor ma hamu. Mandok tarimakasi ma hamu tu Debata.

KOLOSSE 4:2 Referans Kwoze

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

MATEUS 26:41

Jonggor ma hamu, martangiang bage hamu anso ulang talu hamu dibaen pandugaan i. Denggan do nian anggo roha ni jolma, tapi gale do pamatang.”

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

MASMUR 109:4

Haru pe huhaholongi halahi jana hutangiangkon, tapi laing dialo halahi do au.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

MARKUS 13:33

Jadi angkon jonggor do hamu tongtong, angke nada diboto hamu sanga andigan hatihana.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

KOLOSSE 2:7

jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

KOLOSSE 3:15

Angka haputusan sibaenonmunu, tontuhon hamu ma i mardongan dame na nilehen ni Kristus tu bagasan rohamunu. Angke na nipiohon ni Debata do hamu gabe sada pamatang, anso mangolu hamu sian hadamean na sian Kristus i. Mandok tarimakasi ma hamu.

JOB 15:4

Sugari giotmi niihutkon, sahalak pe nada mabiar sanga martangiang tu Debata mangulakkon.

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.

1 SAMUEL 1:12

Honok sajo do si Hanna na martangiang i, jana diparrohahon si Eli do pamangan ni anak boru i.