KOLOSSE 4:16 - BIBEL JAMITA NA DENGGAN

¹⁶ Dung sidung disise surat on di tonga-tongamunu, laing usahohon hamu ma anso laing disise muse di parlagutan na di Laodikea. Laing sise hamu ma di tonga-tongamunu surat na giot tongoson sian Laodikea tu hamu.

KOLOSSE 4:16 Referans Kwoze

1 TESSALONIKA 5:27

Mangasahon goar ni Tuhan Jesus, gomos nipangido tu hamu, anso laing sisehon hamu surat on tu sudena angka dongan sahaporsayaan.

2 TESSALONIKA 3:14

Betak adong na so ra mangihutkon na hami dok di bagasan surat on, tanda hamu ma halak na songon i jana ulang pardongan hamu halahi anso maila.

KOLOSSE 2:1

Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

KOLOSSE 4:13

Husaksihon sandiri do na dung marsitutu ia karejo manyarihon hamu dohot angka dongan na di Laodikea dohot Hierapolis.

KOLOSSE 4:15

Laing palalu hamu ma tabenami tu angka dongan Kristen na di Laodikea; bope tu si Nimpa dohot tu parlagutan na marsomba di bagasnia i.

JEREMIA 51:61

Dung i hudok ma tu si Seraya, “Muda dung lalu ho di Babel, usahahon ma anso tarsise ho sude na tarsurat di bagasan buku on tu angka halak na disi.