KOLOSSE 4:11 - BIBEL JAMITA NA DENGGAN

¹¹ Tabe sian Jesus, i ma na nigoaran muse si Justus, sian sude halak Jahudi na mangkaporsayai Tuhan Jesus, hum halahi na tolu sajo noma saonnari na laing rap karejo dohot au laho mandalankon karejo na sian Debata. Tutu do diurupi halahi au.

KOLOSSE 4:11 Referans Kwoze

BAENON NI ANGKA RASUL 11:2

Jadi dung manangkok si Petrus tu Jerusalem hona hata ma ia dibaen halak Jahudi na porsaya i. Didok halahi ma,

PILEMON 1:1

Sian si Paulus, sada halak na tarhurung hara ni Kristus Jesus, dohot sian si Timoteus donganta, tu si Pilemon na nihaholongan, dongan saparkarejoannami.

TITUS 1:10

Harana bahat do halak na so ra mangoloi, lumobi na marugamo Jahudi hian; dipalilu-lilu halahi do halak na asing markite-hite hata-hata ni halahi na so marguna.

KOLOSSE 4:7

Si Tikikus donganta i ma paboahon tu hamu sasudena na mardomu tu au. Burju do ia markarejo rap dohot hami tu Tuhan i.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

SURAT NI SI PAULUS TU PARLAGUTAN ROM 4:12

Dohot do ia gabe ompu ni angka na marsunat, i ma na so hum marsunat sajo, tapi na mardalan muse mangihutkon indege ni haporsayaan ni si Abraham, ompunta i, taran so marsunat dope ia.

BAENON NI ANGKA RASUL 10:45

Homang ma roha ni halak Jahudi na dung porsaya i tu Jesus, i ma na rap dohot si Petrus i, na marnida bahaso dilehen Debata do muse Tondi Parbadia tu bangso na asing.

PILEMON 1:24

Laing jagit ma tabe ni angka donganku: Si Markus, si Aristarkus, si Demas dohot si Lukas.

1 TESSALONIKA 3:7

Hara ni i do hamu ale angka dongan, umbaen na tarapul rohanami umbege baritamunu di bagasan sude ragam ni hasusaan dohot parkancitannami. Dipagodang haporsayaanmunu do rohanami,

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

PILIPPI 4:3

Laing hupangido dope tu ho, donganku na bonar roha i sai urupi ma halahi, na dung marporang rap dohot au hara ni Jamita Na Denggan i rap dohot si Klemen dohot donganku saparkarejoan na asing i, na tarsurat do goar ni halahi di buku hangoluan i.

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

SURAT NI SI PAULUS TU PARLAGUTAN ROM 16:3

Palalu hamu ma tabengku tu si Priskila dohot si Akuila, i ma angka donganku saparkarejoan di bagasan Kristus Jesus.