KOLOSSE 3:9 - BIBEL JAMITA NA DENGGAN

⁹ Ulang marsigabusan hamu, harana madung ditadingkon hamu ngolumunu na honok i rap dohot sude bakona i.

KOLOSSE 3:9 Referans Kwoze

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

HAMALIMON 19:11

Ulang ho manangko, mangicu sanga margabus.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

SURAT NI SI PAULUS TU PARLAGUTAN ROM 6:6

Dibaen madung taboto, madung diparsilangkon hajolmaonta na honok i, anso mago gogo ni dosa na disi jana ulang diparhatoban dosa i be hita.

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

1 TIMOTEUS 1:10

tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

KOLOSSE 3:8

Tapi anggo saonnari angkon ambungkononmunu do angka pangalaho sisongon on sian dirimunu: Muruk, na manyonggahi dohot na margoyak ni roha mida halak. Ulang jabat ruar hata sian hamu na panyaor-nyaorkon sanga hata na hodar.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

PODA 13:5

Halak na jujur nada dihagioti pargabuson, tapi pangalaho ni na jahat hahaila do dohot sigoraon.