KOLOSSE 3:4 - BIBEL JAMITA NA DENGGAN

⁴ Kristus do ngolu na so mantak di hamu jana muda ro Ia saulahon patidahon diriNia, dohot muse ma hamu rap dohot Ia di bagasan hasangapanNa i!

KOLOSSE 3:4 Referans Kwoze

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

1 JOHANNES 2:28

Jadi hamu angka dakdanakku, tongtong ma hamu maringanan di bagasan Kristus, anso pos situtu rohanta paboa na puluk hita mangadop tuSia so pola maila be hita saulahon di haroroNa.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.

1 KORINTUS 15:43

Na nitanom di bagasan halayason, mulak mangolu ma i di bagasan hasangapan. Na nitanom di bagasan hagaleon mulak mangolu ma i di bagasan hagogoan.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

1 JOHANNES 5:12

Sanga ise na maruli di Anak i, i do na maruli di ngolu na manongtong i; jana halak na so maruli di Anak Ni Debata i, nada maruli di ngolu i.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

2 TIMOTEUS 1:1

Sian si Paulus, rasul ni Kristus Jesus markite-hite hagiot ni Debata, giot mamarintahon janji taringot tu ngolu di bagasan Kristus Jesus.

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

1 KORINTUS 1:7

gabe nada adong be na hurang pasupasu di hamu, di na nipainte-intemunu Tuhanta Jesus Kristus ro jana idaon ni halak sudena.

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

MASMUR 73:24

Ditogu Ho do au marhite sipaingot, jana giot lehenonMu hatuaan di au sogot.

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

1 TIMOTEUS 6:14

Patulus ma sude na hutonahon i tu ho sian roha na ias jana ulang targora, lopus tu haroro ni Tuhanta Jesus Kristus mangulahi.

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

LUKAS 17:30

Songon i ma pangalahona saulahon muda di ari hataridaan ni Anak Ni Jolma i.”

SURAT NI SI PAULUS TU PARLAGUTAN ROM 8:18

Sude sitaonon na tabolus saonnari, anggo ning rohangku, nada tarpatudos dope i tu hasangapan na giot papataron i di hita.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.