KOLOSSE 3:22 - BIBEL JAMITA NA DENGGAN

²² Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.

KOLOSSE 3:22 Referans Kwoze

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

1 TESSALONIKA 2:4

Nada! Nada na giot pasonang-sonang roha ni jolma hami manghatai. Na giot pasonang roha ni Debata do hami muda manghatai. Debata do na dung manguji rohanami jana na dung mangangkat hami laho manjamitahon Jamita Na Denggan i.

KOLOSSE 3:20

Hamu angka dakdanak! Tugasmunu do songon halak Kristen hamu, mangoloi simatobangmunu tongtong, angke na songon i do na pajopkon roha ni Debata.

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

PARJAMITA 5:7

Songon nipi bahat na so adong artina, laing songon i muse ma na so marguna bahat hata-hata. Tapi habiari ma Tuhan.

PILEMON 1:16

Saonnari nada hum hatobanmu be ia; lobi sian i noma. Dongan haholongan noma ia hara ni Kristus. Marguna situtu do ia di au: Lumobi di ho, tontu marguna situtu do ia sanga pe songon jolma sanga pe songon kahanggi di bagasan Tuhan.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

LUKAS 7:8

Harana au sandiri pe tunduk do tu parenta ni atasan, songon i muse adong do di torungku angka soridadu na tunduk tu parentangku. Muda huparentahon tu sada soridadu, ‘Kehe!’ angkon kehe do: Jana muda hudok tu soridadu na asing, ‘Ro tuson!’ ia pe angkon ro do. Jana muda hudok tu naposongku, ‘Baen on!’ angkon dibaen ia i.”

MATEUS 8:9

Harana au pe, angkon oloanku do hata ni kapalangku. Ditoru ni pangkatku pe adong do angka tentara, angkon oloan ni halahi do na hudok. Muda hudok tu na sada, ‘Kehe ho!’, kehe do ia. Husuru na asing, ‘Ro tuson!’ ro do ia. Huparenta do naposongku, ‘Songon on baen!’ dibaen ia do i.”

MATEUS 6:22

“Mata i do songon lampu di pamatang. Muda torang matamu, gabe torang do sude pamatangmu.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

MASMUR 123:2

Songon sada naposo na marguru di roha ni tuanna jana songon sada naposo dadaboru tu morana. Songon i ma hami marsigantung tu Ho, ale Tuhan Debatanami, lopus ibo rohaMu mida hami.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

NEHEMIA 5:9

Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.