KOLOSSE 3:2 - BIBEL JAMITA NA DENGGAN

² Tu angka pangalaho na disi ma tujuhon hamu pikiranmunu ulang ma tu angka na di tano on.

KOLOSSE 3:2 Referans Kwoze

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 6:19

“Ulang ma palagut arta hamu di portibi on. Harana anggo di portibi on adong do ngitngit dohot harat na manyegohon arta i. Dung i muse tarbungkar jana tartangko panangko do i.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

LUKAS 16:11

Muda so haposan be hamu taringot tu sinadongan na di tano on, ise ma he na ra mangalehen pos ni roha di hamu taringot tu sinadongan na sian banua ginjang?

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

PODA 23:5

Harana di bagasan sangombas sajo pe bolas do mago sinadonganmi, songon na marhabong ia jana habang tu langit songon unggas rajawali.

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

1 JUJUR TAON 29:3

Jabat do hara ni holong ni rohangku di Bagas Ni Debatangki, madung hupasahat muse perak dohot sere sian sinadonganku sandiri: