KOLOSSE 3:19 - BIBEL JAMITA NA DENGGAN

¹⁹ Hamu angka ama! Haholongi hamu ma dadaborumunu. Ulang jungkat hamu tu halahi.

KOLOSSE 3:19 Referans Kwoze

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.

KOLOSSE 3:21

Hamu angka ama! Ulang ma hanciti hamu roha ni angka dakdanakmunu, anso ulang gabe mandele halahi.

EPESUS 5:25

Hamu angka halaklahi, haholongi hamu ma dadaborumunu be, laing songon pangkaholongi ni Kristus di parlagutan i jana dilehen Ia do gabe haul diriNia hara ni parlagutan i.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

EPESUS 5:33

Tapi laing adong do hahonaan ni ayat i tu hamu: Dihaholongi ganop halaklahi ma dadaboruna, songon dia ma rupani dirinia sandiri dadaboruna i, jana ganop dadaboru angkon pasangapkon halaklahina.

PARJAMITA 9:9

Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.

PAMUNGKAAN 24:67

Dung i dioban si Ishak ma si Ribka masuk tu bandar ni si Sara inangnia i, jana diparsaripe ia ma si Ribka. Holong do roha ni si Ishak disia jana songon i ma gabe sombu rohania sian arsak na agoan ina i ia.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

SURAT NI SI PAULUS TU PARLAGUTAN ROM 3:14

Gok bura do pamangan ni halahi dohot gutgut.