KOLOSSE 3:18 - BIBEL JAMITA NA DENGGAN

¹⁸ Hamu angka ina! Oloi hamu ma halaklahimunu, angke songon i do parange na tama baenonmunu patandahon na Kristen hamu.

KOLOSSE 3:18 Referans Kwoze

EPESUS 5:22

Hamu angka dadaboru, oloi hamu ma halaklahimunu be songon pangoloimunu tu Tuhan.

1 KORINTUS 11:3

Tapi adong dope sada nari pangalaho na giot paboaonku di hamu; Kristus do anggo Ulu ni sude na margoar halaklahi; na gabe ulu ni dadaboru i, i ma halaklahina jana gabe Ulu Ni Kristus, i ma Debata.

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

1 TIMOTEUS 2:12

Nada hupatola angka dadaboru mangajari sanga pe mamarenta halaklahi; angkon hohom do halahi.

ESTER 1:20

Muda dung marserak haputusan ni raja i tu sandok harajaan na bolak i, pasangapon ni ganop dadaboru ma halaklahina, na kayo bope na miskin.”

1 KORINTUS 14:34

Songon na masa di sude parlagutan ni halak na badia, angkon hohom do angka dadaboru di bagasan parlagutan. Nada tola halahi manghatai, tapi angkon unduk do halahi songon na nidok ni Tona i.

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.