KOLOSSE 3:15 - BIBEL JAMITA NA DENGGAN

¹⁵ Angka haputusan sibaenonmunu, tontuhon hamu ma i mardongan dame na nilehen ni Kristus tu bagasan rohamunu. Angke na nipiohon ni Debata do hamu gabe sada pamatang, anso mangolu hamu sian hadamean na sian Kristus i. Mandok tarimakasi ma hamu.

KOLOSSE 3:15 Referans Kwoze

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

SURAT NI SI PAULUS TU PARLAGUTAN ROM 5:1

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

EPESUS 5:20

Mandok tarimakasi ma hamu tu Debata Ama i markite-hite Jesus Kristus Tuhanta i, sanga hara ni aha pe.

2 KORINTUS 9:11

Dipamora do hamu taringot tu sudena i gabe basa ma hamu marsilehen-lehen, anso patubuhon hatarimakasion ni halak tu Debata hara ni angka silehen-lehenmunu i markite-hite hami.

EPESUS 4:4

Hum sada sajo do pamatang i jana sada do Tondi. Laing songon i muse do hamu dipiohon tu sada arop ni roha na sarupa.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

MASMUR 116:17

Obanonku ma haul tarimakasi tu Ho, lalu martangiang ma au tu Ho, ale Tuhan.

1 TIMOTEUS 2:1

Jadi on ma na hupaingot, anso parjolo nipasahat simora-mora, tangiang dohot mangidohon tu Debata bope mandok tarimakasi tuSia hara ni sude jolma;

KOLOSSE 2:7

jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

EPESUS 5:1

Dakdanak na nihaholongan ni Debata do hamu ale angka dongan. Hara ni i, tiru hamu ma Debata.

2 KORINTUS 4:15

Mardomu tu na hasaya di hamu do sudena i. Angke muda mur bahat halak mandai holong ni roha ni Debata, mur bahat muse do tangiang tarimakasi na nipasahat tu Debata; jadi muda songon i, marsangap ma Debata.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

HALUMBAAN 7:12

Pio-pio ma halahi, “Amen! Puji-pujian dohot hasangapan, dohot habisuhon dohot hatarimakasion dohot hagogoon ma di Debatanta salolot ni lolotna! Amen!”

EPESUS 4:16

Muda Ia do uluan na mamimpin hita, sude angka bagian ni pamatang i maraturan do sude parsusun ni i, na nipadomu-domu ni angka ruasna be na sada tu na asing. Jadi muda denggan do marsikarejohon karejona be angka anggota i songon na sapatutna, gabe mur magodang ma sude pamatang i jana mur margogo markite-hite holong ni roha.

MASMUR 107:22

Padiar ma halahi mandok tarimakasi, jana maroban haul, mardongan ende-ende jop ni roha pabotohon karejo ni Tuhan.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

MASMUR 100:4

Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 KORINTUS 7:15

Tapi muda giot sirang na so porsaya i sian daborunia i, sanga halaklahina na Kristen, sirang ma ia tusi. Anggo di pangalaho na songon on, bebas do hamu, harana ulang so dame hamu, i do hagiot ni Debata.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

JUNUS 2:9

Tapi anggo au endehononku ma puji-pujian di Ho jana huhaulkon haul tu Ho. Patulusonku do sude na hujanjihon. Ho do ale Tuhan na paluahon.”

JESAYA 27:5

Tapi ampot angka musu ni bangsongKi, tu Au parlindungan dijalahi, padiar ma ro halahi mardame tu Au, tutu do ra ma halahi mardame tu Au.”

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

1 KORINTUS 10:17

Dibaen hum sada sajo do roti i, jana rap mangan sian roti na sada i do hita sude, jadi songon na gabe sada pamatang ma hita na bahat on.

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.