KOLOSSE 3:11 - BIBEL JAMITA NA DENGGAN

¹¹ Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

KOLOSSE 3:11 Referans Kwoze

1 KORINTUS 12:13

Angke markite-hite sada Tondi, nipandidihon do hita sude gabe sada pamatang, bope halak Jahudi bope halak Junani, bope naposo bope halak na malua. Songon i muse, nipainum do hita dohot Tondi na sada i.

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

EPESUS 1:23

Pamatang ni Kristus do parlagutan i. Hara ni pamatang i, gabe sanggam ma parlagutan i hara ni Ia na mambaen sasudena gabe sanggam.

SURAT NI SI PAULUS TU PARLAGUTAN ROM 3:29

Sanga hum Debata ni halak Jahudi do Ia lakna? Nada he Debata ni bangso na asing do muse? Olo, laing Debata ni bangso na asing do Ia.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

JOHANNES 17:23

sada Au dohot halahi jana sada Damang dohot Au; anso sada situtu halahi jana hara ni i botoon ni portibi on ma Damang do marsuru Au jana dihaholongi Damang do halahi songon panghaholongi ni Damang tu Au.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

1 KORINTUS 7:19

Rap na so marguna do na mangoloi aturan ni sunat dohot na so mangoloi. Mangoloi parenta ni Debata do na porlu.

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

AMOS 9:12

Halak Israel noma markuaso di Luat Edom na teba i dohot sude angka bangso nampunangKu najolo i. Au Tuhan madung mandok songon i jana giot patulusonKu do songon i.”

MIKA 4:2

dokkonon ni halahi sudena ma, “Manangkok ma hita tu dolok ni Tuhan tu Bagas Ni Debata na nisomba ni Israel bangsoNa! AjarkononNia ma tu hita sanga aha na patut baenonta. Ihutkononta ma dalan na nipiliNia. Angke sian Sion do haroro ni pangajaran, jana hata ni Tuhan sian Jerusalem.”

KOLOSSE 2:10

Jana di na mardomu dohot Kristus, sanggam ma ngolumunu dibaen Ia. Angke Kristus do uluan ni sude tondi na markuaso dohot na mamarenta.

SURAT NI SI PAULUS TU PARLAGUTAN ROM 1:14

Angke utangku do i maradopkon sude ragam ni angka bangso, sanga pe tu bangso na maju bope tu bangso na riar dope, tu halak na sikola bope tu halak na buta hurup.

JOHANNES 15:5

Au do bona ni anggur i, jana hamu ma angka rantingna. Sanga ise na tinggal di bagasan Au jana Au di bagasan ia, ramos ma ia marbatu; angke anggo so rap dohot Au, nada adong bagi aha tarbaen hamu.

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.

BAENON NI ANGKA RASUL 28:2

Burju-burju do halak pulo i maradopkon hami. Denggan do dijagit halahi hami jana manigor dipagara halahi do api di hami, angke mamungka ma ro muse udan boti hara ni ngali ni ari.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

HOSEA 2:23

BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”

MASMUR 117:2

Angke dihaholongi Ia situtu do hita, setia do Ia salolot-lolotna. Puji ma Tuhan!

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

EPESUS 6:8

Angkon ingotonmunu do, angkon jagiton ni ganop halak na denggan roha do, sanga na hatoban sanga na anak mardeka, balos ni angka na denggan na nibaenna sian Tuhan i.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

1 KORINTUS 14:11

Tapi muda inda huastui hata na nidok ni sada-sada halak, gabe halak na asing ma di au jolma na mamake hata i; songon i muse ma au tusia.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEHESKIEL 47:22

jana nampunamunu noma tano i salolot-lolotna. Angka halak sileban na dung hot maringanan di tonga-tongamunu jana na adong dakdanakna na sorang dison, angkon maruli bagian do di tano i. Angkon etongon do halahi songon anggota na gok di bangso Israel, jana angkon dohot do halahi undion anso maruli tano di hatiha dibaen pambagian ni tano i di angka marga-marga ni Israel.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

EPESUS 2:14

Angke Kristus sandiri do na padamehon hita. Dipadomu Ia do angka halak Jahudi dohot angka halak na so Jahudi gabe sada bangso. Parbadaan na songon bolat-bolat na manyirang halahi madung disego-sego Kristus dohot hamamateNia i sandiri.

EPESUS 2:15

Angka Tona ni ugamo Jahudi dohot angka parentana i bope angka paraturanna i madung disesa Kristus i sudena anso gabe sada bangso na dua i hian, gabe sada bangso na imbaru, na mardomu dohot Kristus. Songon i ma dalanna dibaen Jesus laho mambaen pardamean i.