KOLOSSE 3:1 - BIBEL JAMITA NA DENGGAN

¹ Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

KOLOSSE 3:1 Referans Kwoze

SURAT NI SI PAULUS TU PARLAGUTAN ROM 8:6

Muda bako ni jolma do manggohi rohaniba, hamatean ma ujungna. Tapi muda Tondi Ni Debata do manggohi rohaniba, mandapot hangoluan ma iba jana hasonangan sian Tondi Ni Debata.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

2 KORINTUS 4:18

Angke anggo rohanami, tu angka pangalaho na so tarida do hami tujuhon, nada tu angka na tarida. Anggo na tarida, hum santongkin do i tahan, tapi anggo na so tarida i manongtong do i salolot-lolotna.

KOLOSSE 3:2

Tu angka pangalaho na disi ma tujuhon hamu pikiranmunu ulang ma tu angka na di tano on.

MATEUS 6:20

Di banua ginjang ma palagut hamu arta. Harana anggo di banua ginjang i nada tarbaen ngitngit dohot harat manyegohonsa. Panangko pe nada tarbaensa mambungkar dohot manangko.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

LUKAS 22:69

Tapi mamungka saonnari, juguk ma Anak Ni Jolma i di siamun ni Debata Na Markuaso i.”

KOLOSSE 2:20

Madung mate hamu rap dohot Kristus jana madung dipalua hamu sian angka tondi na mangarajai portibi on. Biasi dope laing songon halak na nirajaan ni portibi on ngolumunu? Biasi paolo-oloanmunu dope angka paraturan na songon on,

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

EPESUS 4:10

Jana na mijur i, laing Ia muse do na manaek lopus tu inganan na dao gumincat sian langit ni langit an, jabat gabe gok sasudena langit dohot tano on hara ni haroroNia.

MARKUS 14:62

“Olo!” ninna Jesus. “Sude hamu angkon marnida Anak Ni Jolma i juguk di siamun ni Na Markuaso i. Dung i idaonmunu ma Ia ro di bagasan ombun sian langit an!”

IBRANI 1:13

Nada jungada didok Debata songon on tu angka surusuruanNia, “Juguk ma Ho di siamunKu, lopus Hubaen angka musuMu gabe si degean ni patMu.”

BAENON NI ANGKA RASUL 2:34

Anggo si Daud sandiri nada manaek ia tu banua ginjang tapi didok ia do, ‘Didok Tuhan i do tu Tuanku: Juguk ma Ho di siamunKu,

LUKAS 20:42

Hape si Daud sandiri mandok di Buku Masmur i, ‘Didok Tuhan do tu Tuanki: Juguk ma Ho di siamunKu,

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

MARKUS 12:36

Si Daud sandiri, marhite panuturi ni Tondi Parbadia mandok: ‘Madung didok Tuhan i do tu Tuanku: Juguk ma Ho di siamunKu lopus Hubaen sude angka musuMu tunduk tu Ho.’

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

BAENON NI ANGKA RASUL 7:55

Tapi ditatap si Stefanus na nigohan ni Tondi Parbadia i ma tu langit. Diida ia ma hasangapan ni Debata dohot Jesus na jongjong di siamun ni Debata.

MATEUS 22:44

‘Madung didok Tuhan i do tu Tuanku: Juguk ma Ho di siamunKu, lopus Hubaen sude angka musuMu tunduk tu Ho.’

PODA 15:24

Manaek tu hangoluan do dalan ni halak na bisuk, anso dao ia sian banua toru.

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

PARJAMITA 10:2

Patutna do halak na pistar mangkarejohon hadengganan, jana halak na oto mangkarejohon hajahatan.

EPESUS 5:22

Hamu angka dadaboru, oloi hamu ma halaklahimunu be songon pangoloimunu tu Tuhan.