KOLOSSE 2:8 - BIBEL JAMITA NA DENGGAN

⁸ Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

KOLOSSE 2:8 Referans Kwoze

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

GALATIA 4:9

Tapi saonnari madung ditanda hamu Debata sanga sumintong dope muda nidok, madung ditanda Debata hamu. Biasi dope laing ra hamu mulak mangulahi mandapotkon angka tondi ni portibi on na gale jana na pogos i? Biasi laing ra dope hamu diparhatoban angka tondi i mangulahi?

KOLOSSE 2:20

Madung mate hamu rap dohot Kristus jana madung dipalua hamu sian angka tondi na mangarajai portibi on. Biasi dope laing songon halak na nirajaan ni portibi on ngolumunu? Biasi paolo-oloanmunu dope angka paraturan na songon on,

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

JEREMIA 29:8

Au Tuhan Na Markuaso, Debata ni Israel, Hupaingot hamu anso ulang dipaoto-oto angka panurirang na maringanan di tonga-tongamunu i hamu, sanga ise pe tehe na mangoku bahaso na malo halahi mangalehen alatan taringot tu hatiha na giot ro. Ulang parrohahon hamu angka nipi ni halahi.

2 PETRUS 3:17

Tapi anggo hamu angka dongan na nihaholongan, madung diboto hamu taringot tusi. Hara ni i, jonggor ma hamu, anso ulang jabat tarela-ela hamu tu haliluon ni angka halak na so mananda parenta ni Debata, anso ulang madabu hamu sian ojahanmunu i.

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

GALATIA 4:3

Laing songon i ma hita: Salolot so impas godang dope hita, hita pe laing diparhatoban angka tondi na mangarajai portibi on do.

2 KORINTUS 10:5

jana hami parrumpakkon do angka benteng haginjangon ni roha na nipajongjong laho mangalo na tutu salaho tu Debata. Hami tangkupi do roha ni angka halak jana hami baen halahi unduk mangoloi Kristus.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,

SURAT NI SI PAULUS TU PARLAGUTAN ROM 16:17

Tapi hupaingot ma hamu, ale dongan, pardimata hamu ma angka na mangalo pangajaran na niguruhonmunu i, jana na mambaen parsalisian dohot pardandian. Padao hamu ma sian halahi.

EPESUS 4:20

Tapi anggo Kristus na nitandamunu i, nada songon i!

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

PILIPPI 3:2

Jagohon hamu ma dirimunu maradopkon angka anjing i, jagohon hamu ma dirimunu maradopkon angka panyunat na so tutu.

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

MATEUS 16:6

Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MATEUS 10:17

Jago-jago ma hamu harana adong do halak na giot manangkup hamu laho maroban hamu pajongjongon di rapot pangadilan ni ugamo. Loncingon ni halahi ma hamu di angka bagas paribadatan.

KOLOSSE 2:22

Sude angka paraturan na songon i, taringot tu angka pangalaho na so marguna do i sudena muda dung dipake sanoli. Angka paraturan dohot pangajaran na nibaen-baen ni jolma do i.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

ENDE NA GODANG 2:15

Hamu ale angka dongan, tangkup hamu ma di hami, sorigala na menek-menek, painte so sanga dope halahi manyegohon kobun anggur na topet hajegesanna.

1 KORINTUS 8:9

Tapi jamot ma hamu anso ulang jabat gabe batu partuktuhan tu halak na asing hara ni na tola hamu mambaen sanga na aha, hara ni na so togu dope pos ni roha ni halahi.

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

KOLOSSE 2:23

Tutu nian anggo idaon songon na tumbuk do i, angka na manganjurkon halak anso manyomba surusuruan, martoruk ni roha dohot na mamparkanciti diri; tapi sudena i nada adong gunana anggo na laho mangatur hagiot ni jolma.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!