KOLOSSE 2:7 - BIBEL JAMITA NA DENGGAN

⁷ jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

KOLOSSE 2:7 Referans Kwoze

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

JEREMIA 17:8

Songon hayu na di topi ni batang aek na nipangolu do halahi manjarar uratna lalu tu aek i. Nada mabiar ia logo ni ari sai rata do angka bulungna i. Haru pe nada ro udan, nada pola susa angke sai marparbatu do i.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.

EPESUS 5:20

Mandok tarimakasi ma hamu tu Debata Ama i markite-hite Jesus Kristus Tuhanta i, sanga hara ni aha pe.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.

LUKAS 6:48

Songon na pajongjong bagas do i: Na mangkuar tano i bagas-bagas jana mambaen ojahanna di batu. Di na ro banjir ditondong aek magodang ma bagas i, nada tarunggalkon banjir bagas i, harana di ginjang ni ojahan na denggan do dipajongjong bagas i.

EPESUS 4:21

Madung dibege hamu taringot tuSia! Jana hamu angka na mangihutkon Ia, nada he madung niajaran hamu taringot tu hasintongan na adong diSia!

JUDAS 1:20

Tapi anggo hamu ale angka dongan, tambori hamu ma ngolumunu mardongan haporsayaan tu Tuhan; ias sun do haporsayaanmunu i. Laing martangiang ma hamu mardongan kuaso ni Tondi Parbadia

2 KORINTUS 1:21

Debata sandiri do na mambaen hami dohot hamu gabe togu marsada dohot Kristus; laing Ia muse do na mamiahi hita.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.