KOLOSSE 2:4 - BIBEL JAMITA NA DENGGAN

⁴ Hupaboa pe i tu hamu, anso ulang adong do sanga ise na paoto-otohon hamu dohot hata na tabo begeonmunu.

KOLOSSE 2:4 Referans Kwoze

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

MATEUS 24:4

Dialusi Jesus ma, “Angkon manat do hamu. Ulang jabat dipaoto-oto halak hamu.

2 JOHANNES 1:7

Madung bahat angka pargabus manyarsar sun ro di dia di tano on. Na so nioku ni halahi do na dung ro Jesus Kristus tu portibi on songon sada jolma. Pargabus do halak na songon i jana musu ni Kristus.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

HALUMBAAN 20:8

jana kehe ma i giot paoto-otohon angka bangso na marserak di sude portibi on, i ma si Gog dohot si Magog. Nada taretong sanga na sadia bahat ni halahi na giot palaguton ni Sibolis i laho marporang.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

2 TIMOTEUS 2:16

Padao ma ho sian angka kecet rarat na so marguna jana na so ias. Hum mambaen jahat do angka pangkataion sisongon i.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

BAENON NI ANGKA RASUL 20:30

Salang sian tonga-tongamunu sandiri pe, tarida ma angka halak sidok hata na so tutu. Anso gabe lilu sanga ise na dung porsaya tu Jesus jana mangihut tu halahi, i do tujuan ni halahi.

HALUMBAAN 20:3

Dung i diambungkon surusuruan i ma naga i tu rura hamatean, dikunci ia ma rura i jana dicap ia anso ulang tarbaen naga i be paoto-otohon angka bangso salolot so abis na saribu taon i. Dung salpu i, paluaon dope ia santongkin.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

1 JOHANNES 2:26

Na husurat on, i ma taringot tu angka halak na sai giot paoto-otohon hamu.

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

GALATIA 2:4

haru pe bahat angka pangalancap na marsuru ia mambaen songon i. Angka halak na manyisip-nyisipi do i tu hita jana dipaula-ula halahi ma songon na donganta halahi. Disisipi halahi ma masuk tu hita laho manangkasi sanga na bia pangalaho ni haluaan na adong di hita hara ni hasadaonta dohot Kristus Jesus. Na giot paulakkon hita do halahi tu pangalaho na parjolo, i ma na gabe hatoban muse,

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

1 KORINTUS 2:4

Nada markite-hite habisuhon na paposkon hupalalu hatangku dohot jamitangku tapi markite-hite dalan na patandahon kuaso na sian Tondi i do.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

EPESUS 4:17

Jadi husaksihon di bagasan goar ni Tuhan, on do na giot dokkononku dohot patangkasonku: Ulang be songon halak na so mananda Debata ngolumunu na mamikirkon angka na so haru binoto.