KOLOSSE 2:23 - BIBEL JAMITA NA DENGGAN

²³ Tutu nian anggo idaon songon na tumbuk do i, angka na manganjurkon halak anso manyomba surusuruan, martoruk ni roha dohot na mamparkanciti diri; tapi sudena i nada adong gunana anggo na laho mangatur hagiot ni jolma.

KOLOSSE 2:23 Referans Kwoze

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

1 TIMOTEUS 4:3

Diajari halahi do halak anso ulang mambuat boru dohot mamantangkon angka sipanganon. Hape nian na nijadihon ni Debata do angka sipanganon i anso mardongan tarimakasi tu Debata, dipangan angka na porsaya tu Kristus dohot na dung mananda hasintongan ni Debata, angka sipanganon i.

KOLOSSE 2:22

Sude angka paraturan na songon i, taringot tu angka pangalaho na so marguna do i sudena muda dung dipake sanoli. Angka paraturan dohot pangajaran na nibaen-baen ni jolma do i.

EPESUS 5:29

Dia ma jungada magigi halak mida pamatangna sandiri. Tapi dipature-ture ia do i jana dijagohon ia laing songon Kristus pature-turehon angka parlagutan i;

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.