KOLOSSE 2:14 - BIBEL JAMITA NA DENGGAN

¹⁴ jana disoadahon Ia sude surat utang maradopkon hita, i ma na mangancam hita dohot angka sarat na borat. Di na niparsilangkon surat i di hayu parsilang i, disesa Debata ma sudena utang na tu hita i.

KOLOSSE 2:14 Referans Kwoze

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

IBRANI 8:13

Jadi di na nidokNia sada ihot-ihot ni janji na imbaru, gabe nada hasaya be dibaen Debata ihot-ihot ni janji na parjolo i; jana sanga aha na so hasaya angkon manigor mago ma i.

IBRANI 7:18

Nisoadahon do angka tona na jolo i, hara ni na so margogo dohot hara ni na so hasaya.

KOLOSSE 2:20

Madung mate hamu rap dohot Kristus jana madung dipalua hamu sian angka tondi na mangarajai portibi on. Biasi dope laing songon halak na nirajaan ni portibi on ngolumunu? Biasi paolo-oloanmunu dope angka paraturan na songon on,

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

JESAYA 57:14

Adong ma na mandok: “Buka ma, buka ma, parade ma dalan, angkati hamu ma batu partuktuhan sian dalan ni bangsongKu.”

MASMUR 51:1

Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

BILANGAN 5:23

Dung i disuratkon malim i ma hata ni bura i, lalu diapus ia dohot aek na di bagasan mangkuk i.

2 TESSALONIKA 2:7

Madung mamungka markarejo kuaso ni hajahatan na buni i masuk manyisip-nyisipi, tapi laing adong dope pangambati. Jadi muda dung morot pangambati i,

MASMUR 51:9

Padao ma panailiMu sian dosangku, sesa ma sude hasalaanku.

ESTER 3:12

Jadi di tanggal tolu bolas bulan sada, dipiohon si Haman ma angka sekretaris ni raja i. Disuru ia ma halahi mambaen surat domu tu sude na niparentahonnia, dung i diterjemahkon ma surat i tu sude hata jana disalin tu sude surat na dipake di harajaan i. Markite-hite goar ni Raja Ahasweros do surat i dibaen jana dicap dohot tintinnia i lalu ditongoskon ma tibu tu angka na markuaso, gubernur dohot na sangap di sude propinsi. Anggo isina, i ma parenta na mandok angkon bunuon nada adong ampunna sude bangso Jahudi, na poso bope na matobang, bope dadaboru sanga na dakdanak jana sinadonganna i dirampas, i ma di tanggal tolu bolas bulan Adar.

NEHEMIA 4:5

Ulang ampuni hajahatan ni halahi jana ulang halupahon dosa ni halahi, dibaen madung dipabile halahi hami na mambangun on.”

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

ESTER 8:8

Tapi anggo surat na dung dibaen mangasahon goar ni raja jana dibaen cap ni raja, nada bolas be i tarihon mangulahi. Tapi haru songon i pe, huisinkon ma hamu mambaen surat salaho tu bangso Jahudi sanga aha na denggan diida hamu. Baen hamu ma surat i mangasahon goarku mardongan cap ni harajaan.”