KOLOSSE 2:1 - BIBEL JAMITA NA DENGGAN

¹ Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

KOLOSSE 2:1 Referans Kwoze

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.

PILIPPI 1:30

Saonnari dohot muse ma hamu rap dohot au di sada paraloan; i ma paraloan na dung niidamunu na salpu i huparalohon jana na laing huparalohon lopus tu sadari on songon na nibegemunu saonnari.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

BAENON NI ANGKA RASUL 20:38

Gabe marsak ma halahi lumobi hara ni na nidok ni si Paulus i na so idaon ni halahi be ia. Dung i dipataru halahi ma ia lopus tu kapal.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.

GALATIA 4:19

Angka dakdanakku na huhaholongi! Saonnari mangulahi do au markancit hara ni hamu. Songon sada ina na manaon na hancit di na laho manubuhon dakdanakna do huhilala saonnari. Angkon laing i do hilalaonku salolot so marrupa dope angka bako ni Kristus di bagasan dirimunu.

BAENON NI ANGKA RASUL 20:25

Madung hutogu hamu sudena jana madung hujamitahon muse tu hamu Harajaan Ni Debata. Anggo saonnari ninna rohangku, nada marsuo be au dohot hamu.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

1 TESSALONIKA 2:2

Diboto hamu do dompak so ro hami mandapotkon hamu tu Tessalonika, na dung jolo marhancit do hami jana marlayas di Pilippi. Hape madung dilehen Debata do tu hami habaranion laho manjamitahon Jamita na Denggan na sian Debata i tu hamu haru bahat pe paraloan tu hami.

PAMUNGKAAN 30:8

Ninna si Rahel ma, “Ma huabisi gogongku maralohon angkangku, hape monang do au,” hara ni i dibaen ia ma goar ni dakdanak i, si Naftali.