KOLOSSE 1:7 - BIBEL JAMITA NA DENGGAN

⁷ Si Epafras do na pasahatkon i tu hamu, i ma ale-ale haholongannami i. Parkarejo ni Kristus do ia na sai burju tongtong markarejo laho manyarihon hamu.

KOLOSSE 1:7 Referans Kwoze

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

PILEMON 1:23

Palalu tabe do tu ho si Epafras na tarhurung rap dohot au hara ni Jesus Kristus.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

KOLOSSE 4:7

Si Tikikus donganta i ma paboahon tu hamu sasudena na mardomu tu au. Burju do ia markarejo rap dohot hami tu Tuhan i.

IBRANI 3:2

Haposan do Jesus di Debata na mamili Ia tu karejo i, laing songon haburjuon ni si Musa najolo mandalankon karejonia di tonga-tonga ni bagasNia.

2 TIMOTEUS 2:2

Pangajaran na nibegemu sian au di jolo ni halak na bahat, pasahat ma i tu angka dongan sanga ise na tarhaposi roha jana na malo mangajari halak na asing.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

EPESUS 5:21

Dung i marsiolo-oloan ma hamu di bagasan biar ni roha mida Debata.

1 KORINTUS 7:25

Saonnari taringot tu angka na so marripe noma. Anggo taringot tusi nada adong dope hujagit angka parenta sian Tuhan. Tapi haru songon i pe, songon halak na manjagit asi ni roha ni Tuhan na patut sihaposan, giot lehenonku do sipaingotku.

1 KORINTUS 4:17

Ihut tusi madung husuru si Timoteus mandapotkon hamu. Songon halak siihutkon Kristus, songon anakku sandiri do ia na huhaholongi. Anak haposan do i. Paboaonnia ma tu hamu sanga na bia ngolu na hudalankon dung porsaya au tu Kristus, i ma pardalan ni ngolu na huajarkon di ganop parlagutan sanga na di dia pe.

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

BILANGAN 12:7

Tapi nada songon i muda mangkatai Au dohot si Musa pangoloingKi. Madung Hupasahat tusia karejo mamimpin bangsongKu Israel.

MATEUS 18:29

Gabe manungkap ma dongannia i tusia marsomba-somba, ‘Sobar ma ho jolo dongan,’ ning ia. ‘Hugarar pe sude!’

KOLOSSE 4:9

Rap kehe do si Onesimus dohot si Tikikus; halak hamu on do ia. Ia pe na burju do jana holong do rohanami disia. Paboaonnia ma dohot si Tikikus tu hamu sasudena na masa di inganankon.