KOLOSSE 1:25 - BIBEL JAMITA NA DENGGAN

²⁵ Debata do marsuru au gabe pangoloi di parlagutan i laho manyarihon hamu. Angkon pabolkasonku do sudena barita na sian Debata;

KOLOSSE 1:25 Referans Kwoze

EPESUS 3:2

Ninna rohangku madung dibege hamu i, hara ni denggan ni roha ni Debata madung dilehen Ia tu au karejo on hara ni haporluanmunu.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

1 KORINTUS 9:17

Sugari ma rupani hara ni giot-giotku sandiri sajo na mandalankon karejo i, tontu tola ma au mararop ni roha manjagit upa. Tapi nada hagiotku manjamitahon Jamita Na Denggan i. Debata do marsuru au mandalankon i.

1 KORINTUS 3:5

Jolma na bia ma he pola si Apollos? Jana tarbia muse si Paulus? Pangoloi ni Debata sajo do hami na dua, na dung manogu-nogu hamu anso porsaya tu Debata. Karejo na nipasahat ni Tuhan i tu hami be, i sajo do na hami dalankon.

EPESUS 3:7

Dilehen Debata do tu au karejo na gabe hapunjunganku, i ma karejo laho manjamitahon Jamita Na Denggan i. Hujagit do karejo i markite-hite kuaso ni Debata, na marsitutu markarejo di bagasan diringku.