22 Tapi anggo saonnari madung dipadame Ia hamu di bagasan pamatangNia markite-hite hamatean i, anso badia hamu, nada martihas jana na so sipincangon maradopkon Ia.
Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.
Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.
Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,
Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.
Hara ni i do ale angka donganku, hamu pe madung mate maradopkon Tona markite-hite pamatang ni Kristus, anso gabe nampuna ni halak na asing hamu, i ma nampuna ni na dung dipangolu sian halak na mate, anso marparbatu hita di Debata.
Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.
Malungun do au di hamu, songon dihalungunkon Debata sandiri hamu. Tarsongon bujing-bujing na ias dope hamu, na hupatunangkon tu sada bayo, i ma Kristus.
Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.
Pos do rohanami di Debata na pangoluhon Tuhan Jesus mangulahi, laing pangoluonNia muse do hami dohot Jesus, jana obanonNia hamu rap dohot hami tu joloNia.
Debata do mambaen i sude, anso mardenggan hita dohot Debata markite-hite Kristus. Dung i disuru Ia muse ma hita palaluhon Jamita Na Denggan i anso laing dohot muse halak na asing mardenggan dohot diriNa.
Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.
Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.