KOLOSSE 1:19 - BIBEL JAMITA NA DENGGAN

¹⁹ Na nihagiotan ni Debata sandiri do anso sasudena na dapot di bagasan diri ni Debata sandiri adong muse sudena i di diri ni AnakNia i.

KOLOSSE 1:19 Referans Kwoze

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

EPESUS 1:23

Pamatang ni Kristus do parlagutan i. Hara ni pamatang i, gabe sanggam ma parlagutan i hara ni Ia na mambaen sasudena gabe sanggam.

KOLOSSE 2:3

Harana dibagasan Ia do buni sude arta habisuhon dohot hapistaran.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

EPESUS 4:10

Jana na mijur i, laing Ia muse do na manaek lopus tu inganan na dao gumincat sian langit ni langit an, jabat gabe gok sasudena langit dohot tano on hara ni haroroNia.

LUKAS 10:21

Laing di hatiha i muse, marjop ni roha ma Jesus di bagasan Tondi Parbadia, jana mandok, “Hupuji do Ho Amang, Tuhan ni langit dohot tano, dibaen dibunihon Ho do i adop angka na pistar dohot na marroha, tapi dipapatar Ho do i tu angka halak na menek. Olo, ale Amang, songon i ma antong hagiot ni Damang sandiri.”

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.