KOLOSSE 1:18 - BIBEL JAMITA NA DENGGAN

¹⁸ Ia do ulu ni pamatang i, i ma parlagutan i, angke Ia do na mangalehen ngolu tu parlagutan i. Ia do siangkaan na dipangolu mangulahi sian hamatean, hara ni i muse ma umbaen na gabe Ia na umporlu sian sasudena na adong.

KOLOSSE 1:18 Referans Kwoze

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

BAENON NI ANGKA RASUL 26:23

i ma na mandok, angkon markancit do Kristus i na nijanjihon ni Debata i jana Ia ma halak na parjolo mulak mangolu dung jolo mate; jadi hara ni i tarpatidahon Ia ma sinondang tu bangso on bope tu angka bangso na asing.”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MASMUR 89:27

Hubaen ia gabe anakKu siangkaan, sian sandok raja, ia ma na gumodang.

1 KORINTUS 11:3

Tapi adong dope sada nari pangalaho na giot paboaonku di hamu; Kristus do anggo Ulu ni sude na margoar halaklahi; na gabe ulu ni dadaboru i, i ma halaklahina jana gabe Ulu Ni Kristus, i ma Debata.

HALUMBAAN 22:13

Au do Alpa dohot Omega, Na Parjolo dohot Na Parpudi, Bonana dohot Ujungna.”

EPESUS 5:23

Angke halaklahi i do uluan ni dadaboru i, laing songon Kristus na gabe uluan ni parlagutan i, jana laing Ia muse do paluahon pamatang i.

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

JOHANNES 1:27

Umpudi dope Ia ro ulang au, tapi mangkarhari tali ni sipatuNia pe, nada tama dope au.”

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

JOHANNES 1:1

Di mulana i, madung adong Hata i. Rap dohot Debata do Hata i jana Debata do Hata i.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

1 JOHANNES 1:1

Taringot tu hata na mangalehen hangoluan do isi ni surat on, i ma Hata na dung adong hian mamungka sian mula ni mulana. Madung hami bege i jana hami ida sandiri dohot matanami. Madung hami ligi jana hami jama dohot tangannami. I ma na hami suratkon tu hamu.

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

JESAYA 52:13

Satutuna, monang do naposongKu, pagincaton do ia, dipuji-puji jana dipasangap.

ENDE NA GODANG 5:10

Tongam jana gogo do hasianki, sada sian sampulu ribu do i.

1 KORINTUS 12:27

Hamu sudena rap pamatang ni Kristus do hamu, jana pasada-sada hamu bagian ni pamatang i do.

KOLOSSE 2:19

jana nada ditiop ia Ulu i, pangkal ni pamatang i, na niihotan markite-hite angka urat dohot doldol gabe sada, na tubu markite-hite hangoluan na nilehen ni Debata.