KOLOSSE 1:16 - BIBEL JAMITA NA DENGGAN

¹⁶ Angke markite-hite Ia do ditompa sasudena na adong, di banua ginjang dohot di tano on, i ma sasudena na tarida dohot na so tarida; angka habangsa, angka pangarajai, angka paruhum sanga parkuaso; sasudena i madung nitompa markite-hite Ia jana tuSia.

KOLOSSE 1:16 Referans Kwoze

SURAT NI SI PAULUS TU PARLAGUTAN ROM 11:36

Angke sian Ia, jana markite-hite Ia, jana tuSia do sudena na adong. DiSia ma hasangapan ro di salolot ni lolotna! Amen.

JOHANNES 1:3

Sasudena do dijadihon markite-hite Ia, jana sian sasude na adong, sangkamata pe nada adong na nijadihon, so marhite sian Ia.

1 KORINTUS 8:6

Tapi anggo di hita, hum sada sajo do Debata. Ia do Ama na manjadihon sasudena na adong. Na giot diSia do ngolunta on. Tuhan pe hum sada sajo do, i ma Jesus Kristus. Markite-hite Ia dijadihon ma sasudena jadi hara ni Ia do umbaen na mangolu hita.

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

KOLOSSE 2:10

Jana di na mardomu dohot Kristus, sanggam ma ngolumunu dibaen Ia. Angke Kristus do uluan ni sude tondi na markuaso dohot na mamarenta.

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”

PANGARATAION 4:39

Antong sadari on, ingot jana na so tola lupa hamu: Debata di langit dohot di ginjang ni tano on do Tuhan. Nada adong debata na asing be.

PILIPPI 2:10

Anso marsinggang ma di bagasan goar ni Jesus, sandok na di banua ginjang, na di tano on dohot na di toru ni tano on.

KOLOSSE 1:20

Jana markite-hite Anak i muse do dibaen Debata sasudena mardenggan mangulahi dohot Debata – sasudena na di tano on, sanga pe na adong di banua ginjang. Markite-hite hamamate ni AnakNia di hayu parsilang i do dibaen Debata sudena i.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

EPESUS 6:12

Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

SURAT NI SI PAULUS TU PARLAGUTAN ROM 8:38

Harana marpos ni roha situtu do au, bahaso hamatean bope hangoluan, sanga surusuruan bope angka parkuaso; sanga na adong saonnari bope na giot ro, sanga angka hagogoan,

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

JOHANNES 1:10

Di portibi on do Hata i, markite-hite Ia do dijadihon portibi on, hape nada ditanda portibi on Ia.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.