KOLOSSE 1:14 - BIBEL JAMITA NA DENGGAN

¹⁴ Di bagasan Ia do adong di hita haluaan, i ma hasesaan ni dosa.

KOLOSSE 1:14 Referans Kwoze

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

IBRANI 9:22

Tutu nian, anggo mangihutkon Tona ni ugamo Jahudi bolas nidok, sasudena sanga aha pe angkon nipaias dohot mudar do; jadi nada tarsesa dosa anggo so adong mudar na niduruskon.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

MASMUR 130:4

Hape diampuni Ho do hami, diarop rohangku do janjiNa.

1 JOHANNES 2:12

Hubaen surat on tu hamu angka dakdanak, dibaen madung disesa dosamunu hara ni goarNia.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

1 TIMOTEUS 2:6

Madung dipasahat Ia diriNia gabe partobus humopkop sudena, anso disaksihon di hatiha na nitontuhon Debata.

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

BAENON NI ANGKA RASUL 10:43

Sude do angka panurirang manaringoti Ia. Didok halahi, dapotan hasesaan ni dosa do sudena halak na porsaya tu Jesus, markite-hite goarNia.”

KOLOSSE 3:13

Angkon sobar do hamu maradopkon dongan jana marsimaapan muda adong na so tabo pangkilalaanna tu donganna. Madung di ampuni Tuhan hamu, jadi hamu pe angkon marsiampunan do sama hamu.

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

LUKAS 5:20

Marnida godang ni haporsayaan ni halahi, didok Jesus ma tu bayo i, “Madung disesa dosami, dongan!”

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.