JUNUS 3:10 - BIBEL JAMITA NA DENGGAN

¹⁰ Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

JUNUS 3:10 Referans Kwoze

JEREMIA 18:8

hape muba roha ni bangso i sian dosana, jadi gabe Husundati do nietKi.

LUKAS 15:20

Dung i jongjong ma ia, torus mulak mandapotkon amangna. Sian na dao dope madung diida amangnia i ia. Ibo sajo ma roha ni amangna i midasa, marlojong ma amangna i mangalo-alo ia, dihaol jana diumma ma ia.

AMOS 7:6

Gabe manolsoli ma Tuhan hara ni i. “On pe nada tulus tarjadi,” ninna Tuhan Debata.

LUKAS 11:32

Di ari paruhuman i jongjong ma halak kota Ninive patuduhon hasalaanmunu, angke dipauba halahi do rohana hara ni jamita ni si Junus. Ligi ma, adong do dison na gumodang ulang pado si Junus.”

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

AMOS 7:3

Gabe manolsoli ma Tuhan hara ni i. “Nada tulus tarjadi na niidami.”

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

1 JUJUR TAON 21:15

Dung i disuru Tuhan muse ma sahalak surusuruan laho manyegohon Jerusalem. Hape dung lalu surusuruan i di lambung pardegean ni gandum nampuna ni si Arauna halak Jebus i, muba ma roha ni Tuhan jana didok ma tu surusuruan i, “Tuk ma i! Paso ma!”

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JUNUS 4:11

Patut ma da marsak Au pasari-sari Ninive, kota na godang i. Angke asing sian angka pahan-pahananna na so taretong i, adong do disi lobi 120.000 dakdanak na so marsala.”

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

JEREMIA 18:7

Muda dapot di sada hatiha giot Huputuskon laho mangarampas, mangarumpakkon dohot mangaroncohon sada bangso sanga harajaan,