JUNUS 1:16 - BIBEL JAMITA NA DENGGAN

¹⁶ Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.

JUNUS 1:16 Referans Kwoze

MASMUR 107:22

Padiar ma halahi mandok tarimakasi, jana maroban haul, mardongan ende-ende jop ni roha pabotohon karejo ni Tuhan.

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

BAENON NI ANGKA RASUL 5:11

Jadi mabiar situtu ma sude parlagutan dohot sude halak na mambege na masa i.

MARKUS 4:31

Anggo Harajaan Ni Debata tarsongon batu ni sabi do i na disaburkon tu tano, i ma boni na ummenek sian sude boni na adong di tano on.

JUNUS 1:10

Dung i dicaritohon ia ma sanga songon dia pargilonia sian Tuhan. Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

JESAYA 26:9

Muda borngin, sai Ho do dihalungunkon rohangku. Di manyogot pe, Ho do dihalungunkon tondingku. Muda manguhumi Ho sanoli on, tandaon ni na mangingani tano on ma hatigoranMu.

PARJAMITA 5:4

Jadi muda marjanji ho tu Debata, sigop ma ho patuluskon i. Nada dihagioti rohaNia jolma na bodo pangalahona. Antong patulus ma janjimu.

MASMUR 116:14

Gohanku ma janjingku tu Tuhan, di jolo ni bangsoNia sudena.

2 RAJA-RAJA 5:17

Jadi didok si Naaman ma, “Anggo laing na so ra do tuan i manjagit silehen-lehenkon, paloas ma au mulak maroban tano sabahat ni boban ni sapasang bagal. Harana mamungka saonnari hum tu Tuhan sajo noma au manghaulkon haul jana nada be anggo tu debata na asing.

HAKIM-HAKIM 13:16

Tapi didok Surusuruan Ni Tuhan i ma, “Haru hupainte pe dison, nada giot panganonku na niparademi annon. Tapi muda laing na paradeonmu ma, parade ma i songon haul situtungon jana pasahat ma tu Tuhan.” Nada mamoto dope si Manoah bahaso Surusuruan Ni Tuhan do na manghobari dohot ia.

PAMUNGKAAN 28:20

Jadi marsumpa ma si Jakob tu Debata, “Muda didongani jana diondihon Ho au di pardalanankon jana dilehen Ho panganon dohot pakean

JUNUS 1:14

Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.”

JOB 37:24

I ma da dalanna anso sude jolma pasangapkon Ia, jana sanga ise na mandok dirina marbisuk, nada be i diterge ia.”

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.