JUNUS 1:12 - BIBEL JAMITA NA DENGGAN

¹² Didok si Junus ma mangalusi, “Ambungkon ma au tu bagasan laut i, pasti so ombak i. Angke madung huboto do saonnari, hara ni au do boncir ni ombak na jorbut on manondong hamu.”

JUNUS 1:12 Referans Kwoze

2 SAMUEL 24:17

Diida si Daud ma surusuruan i, lalu didok ia ma tu Tuhan, “Au do na mardosa jana au muse do na mambaen hasalaan on. Hapengani aha ma he hasalaan ni bangso na marhancit on? Au ma uhumi dohot hami sabagas!”

1 JUJUR TAON 21:17

Dung i martangiang ma si Daud, ning ia ma, “O Debata, au do parsala. Au do marsuru anso dibaen sensus i. Aha ma he anggo sala ni bangso na malang bagian on! O Tuhan Debatangku, au ma dohot keluargangku uhumi, tapi padao ma bala on sian bangsoMu.”

JOSUA 7:12

On ma dalanna umbaen na so tahan halahi mangadopi musu i. Sumurut pe halahi dibaen musu i harana na dung didabu do uhuman tu halahi sandiri anso dironcohon. Nada dongananKu be hamu anggo so dironcohon dope angka barang na so sibuaton i.

BAENON NI ANGKA RASUL 27:24

Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.

JOHANNES 11:50

Na so diboto hamu do? Gumonanan do mate sada halak humopkop na bahat ulang pado sudena bangso on mago?”

PARJAMITA 9:18

Margunaan do bisuk sian sinjata, tapi hara ni asom na saotik sego ma susu sabalanga.

JUNUS 1:11

Jadi laing mur manggasa-gasa muse do torus ombak i, lalu disapai angka parkapal i ma tusia, “Bia noma baenonnami tu ho anso mantak ombak on?”

JUNUS 1:13

Tapi laing dipuntial angka parkapal i do gogona marsitutu mandayung kapal i tu darat. Tapi laing mur manggasa-gasa do ombak i, gabe nada marguna haloloja ni halahi i.

JOB 35:8

Hum donganmu jolma do i na rugi hara ni dosamu. Jana halahi muse do na maruntung patunda ni hadenggananmu.