JOSUA 9:25 - BIBEL JAMITA NA DENGGAN

²⁵ Saonnari di bagasan kuasomunu noma hami. Dibaen tuan i ma sanga aha na denggan mangihutkon roha ni tuan i.”

JOSUA 9:25 Referans Kwoze

PAMUNGKAAN 16:6

Dialusi si Abram ma, “Antong denggan. Hatobanmu jana ditoru ni kuasomu do i; baen ma roha-rohamu tusia.” Jadi dibaen si Sarai ma roha-rohania tu si Hagar, hara ni kejamnia gabe lari ma si Hagar.

JEREMIA 26:14

Anggo taringot tu diringku, tutu do di tanganmunu kuaso laho patupahon sanga aha sajo marguru tu hagiotmunu.

HAKIM-HAKIM 10:15

Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.”

MATEUS 11:26

Olo, Amang, dibaen na songon i do hagiot ni rohaMu.”

JEREMIA 38:5

Dialusi Raja Zedekia ma, “Denggan ma i, baen hamu ma tusia sanga aha giotmunu, nada tarantahi au hamu.”

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

2 SAMUEL 24:14

Dialusi si Daud ma, “Dut sajo do rohangku: Tapi nada giot au hona uhuman ni jolma. Padiar ma songon i hona uhuman ni Tuhan hita sudena, angke laing parholong ni roha godang do Ia.”

1 SAMUEL 3:18

Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”

HAKIM-HAKIM 8:15

Dung i didapotkon si Gideon ma angka hatobangon na di kota i lalu didok ia, “Ligi bo, indon ma si Zebah dohot si Salmuna. Pasti laing diingot hamu dope, na so ra hamu manolong au hara ni na so hutangkup i dope ia, atehe? Umpe ra hamu mangalehen panganon di anak buangki; hape di bagasan na loja do halahi di hatiha i.”

JOSUA 9:26

Jadi gabe dibaen si Josua ma songonon: Diondihon ia ma halahi jana nada diloas ia halak Israel mamunu halahi.

2 SAMUEL 15:26

Tapi anggo na so lomo be antong roha ni Tuhan i tu au, marguru di hagiotNia ma di au.”

2 RAJA-RAJA 10:5

Jadi gabe martona ma kapala ni bagas ni raja dohot walikota rap dohot angka pangituai ni masarakat dohot angka na mangampu anak dohot pahompu ni si Ahab i tu si Jehu songon on, “Unduk do hami tu tuan i jana ra do hami patupahon sanga na aha sajo pe na niparentahon ni tuan i tu hami. Nada baenonnami sanga ise gabe raja. Dibaen tuan i ma sanga aha na denggan didok roha ni tuan i.”