Biblia Todo Logo
Bib sou entènèt

- Piblisite -




JOSUA 7:19 - BIBEL JAMITA NA DENGGAN

19 Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”

Gade chapit la Kopi




JOSUA 7:19
25 Referans Kwoze  

Jadi angkon baenonmunu do tiruan ni baro dohot monci na mangganas di luatmunu on. Songon i ma baen hamu pasangapkon Debata ni Israel i. Betak antahonNia ma manguhum hamu dohot angka debata maradu tanomunu.


Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.


Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”


Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.


Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,


Dung i didok si Saul ma tu si Jonatan, “Aha lakna dibaen ho?” Dialusi si Jonatan ma, “Na hudai do saotik aer ni loba dohot ujung ni tungkotku; rade do au mate.”


Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.


Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.


Mosok ma jolma hara ni sun ni milasna i, gabe diburai halahi ma Debata na mangarajai angka mara i. Haru songon i pe, laing nada ra halahi pauba rohana sian angka dosa ni halahi jana nada ra halahi mamuji hasangapan ni Debata.


Harana nada tarbaen hamuruhon ni jolma mangkarejohon hatigoran ni Debata.


Paingot ma angka ama na tumobang anso marroha jana malo mangorom dirina; anso denggan dihaporsayai halahi Debata, denggan marsihaholongan jana sobar di sitaonon jana benget.


Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.


Harana marhite roha do halak porsaya jana dipatigor. Jana marhite pamanganna do halak mangoku, gabe dipalua.


Biasi hum halak na asing on na mulak mandok tarimakasi tu Debata?”


Angkon ummotik jolma na mangolu sian sere na polin.


Huboto do angka hasalaanku, sai taringot do di rohangku angka dosangku.


“Tutu do i,” ning si Akan, “Madung hubaen dosa maradopkon Tuhan, Debata ni Israel. Songon on ma na dung hubaen:


“Aha na niligi ni halahi di bagas godang?” ning si Jesaya mangulahi manyapai. “Sudena diligi halahi!” ning si Hiskia. “Nada adong be sanga na aha di bagasan panyimpanan ni arta di bagas godang ni raja na so hupatidahon tu halahi.”


Swiv nou:

Piblisite


Piblisite