JOSUA 5:1 - BIBEL JAMITA NA DENGGAN

¹ Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

JOSUA 5:1 Referans Kwoze

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

1 RAJA-RAJA 10:5

sude pardalan ni karejo ni angka pagawe di bagas godang i, sude pangoloion ni angka parkobas, pakean saragamna, sipanganon na dipasingkop dohot angka kamar inganan ni halahi. Laing diida ia muse do angka haul na nihaulkon ni si Salomo di Bagas Ni Debata. Gabe homang-komang jana tartarik ma roha ni ratu na sian Seba i paida-ida sudena i.

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”

AMOS 2:9

Haru songon i pe ale bangsongKu, hara ni hamu do umbaen na Huabisi halak Amori na ginjang-ginjang i songon bona ni tusam dohot na gogo-gogo i songon bona ni sampinur.

DANIEL 5:6

Gabe rata lombam ma ia jana mabiar situtu jabat humitir totnia i.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

JEHESKIEL 16:3

Disuru Tuhan Debata i ma au palaluhon tona on tu Jerusalem: “Ale Jerusalem, di tano Kanaan do ho sorang. Halak Amori do amangmu jana inangmu boru Het.

MASMUR 135:11

Si Sihon raja ni Amori dohot si Og raja ni Basan, maradu sude raja ni Kanaan.

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

2 SAMUEL 21:2

Nada halak Israel anggo halak Gibeon; masuk tu halak Amori siotik-otik do halahi. Na dung marjanji do halak Israel laho mangondihon halahi, hape digogo si Saul do laho mamusa halahi hara ni na manyarihon haporluan ni halak Israel dohot Juda.) Dung i dipio si Daud ma halak Gibeon i,

1 SAMUEL 25:37

Ancogotna i dung nada be mabuk si Nabal, dipaboa dadaborunia i ma taringot tu sude na masa i. Jadi taroktohon ma si Nabal jana gabe so noma jantungnia jana lumpuon ma pamatangnia.

HAKIM-HAKIM 11:23

Jadi, Tuhan Debata ni Israel do na mangusir morot angka halak Amori na gabe haporluan ni halak ni Tuhan.

HAKIM-HAKIM 4:2

Gabe dipadiar Tuhan halahi talu dibaen si Jabin raja ni Kanaan na maringanan di kota Hasor. Si Sisera na maringanan di Haroset-Hagoyim do panglima ni tentara i.

HAKIM-HAKIM 3:3

On ma angka bangso na laing maringan di luat i: Bangso na laing maringanan di kota ni Pilistin na lima i, sude bangso Kanaan, bangso Sidon dohot bangso Hewi na maringanan di partoran Libanon, mamungka sian Dolok Baal Hermon, lopus tu dalan laho tu Hamat.

HAKIM-HAKIM 1:1

Dung marujung ngolu ni si Josua, marsapa ma halak Israel tu Tuhan, “Tuhan, marga dia do sian hami na parjolo angkon mamorangi halak Kanaan?”

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

JOSUA 17:18

Buat hamu ma luat partoran, angke haru pe laing harangan dope luat i, bolas do i bukaonmunu anso gabe hamu puna sudena i. Jana anggo taringot tu halak Kanaan i do, tarpaorot hamu do i haru pe gogo halahi jana markareta porang na sian bosi.”

JOSUA 17:12

Tapi nada tolap Marga Manase paorotkon halak kota i; i do dalanna umbaen na laing hot halak Kanaan maringanan disi.

HARURUAR 23:28

PasarsaronKu ma angka musumunu jana paorotonKu halak Hewi, halak Kanaan dohot halak Het anso tarbaen hamu torus maju.

PAMUNGKAAN 48:22

Tu ho do, jana nanggo tu angka kahanggimu lehenonku Sikem, tano napu i na hurampas, sian halak Amori marhite podang dohot pana.”

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

JESAYA 41:5

Angka pulo madung mangaligisa jana gabe mabiar, angka sundut ni portibi on humitir-hitir; ro ma halahi mandonok.

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.

JOSUA 3:17

Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.