JOSUA 3:7 - BIBEL JAMITA NA DENGGAN

⁷ Didok Tuhan ma tu si Josua, “Mamungka sadari on baenonKu ma ho gabe halak na godang jabat sude halak Israel pasangap ho jana botoon ni halahi ma bahaso na Hudongani do ho songon pandonganingKu di si Musa.

JOSUA 3:7 Referans Kwoze

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

1 JUJUR TAON 29:25

Dibaen Tuhan do sude rayat i marlomo ni roha mida si Salomo jana dibaen Ia muse si Salomo dumohar sian sude raja na jungada mamarenta di Israel.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

JOSUA 1:17

Sai na oloannami do angka na niparentahonmu, laing songon si Musa na sai hami oloi. Sai didongani Tuhan Debatami ma ho songon pandonganiNia di si Musa!

JOB 7:17

Biasi he songon i di Ho porluna jolma? Biasi sai parrohahononMu pambaenanna?

2 JUJUR TAON 1:1

Madung tohong parjuguk ni si Salomo anak ni Raja Daud i gabe raja di harajaan Israel. Dipasupasu Tuhan Debatania do ia jana dibaen do markuaso situtu ia.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 3:8

Antong, saonnari parentahon ma tu angka malim na mamorsan Poti Parjanjian i anso manigor masuk halahi tu bagasan aek i lalu jongjong di topina i disi lalu halahi tu batang aek i.”

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”