JOSUA 3:4 - BIBEL JAMITA NA DENGGAN

⁴ Halahi ma patuduhon dalan di hamu, dibaen nada unjung dope hamu tuson. Tapi ulang madonoktu hamu mardalan tu Poti Parjanjian i; ihutkon hamu ma sian pudi.”

JOSUA 3:4 Referans Kwoze

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

1 JUJUR TAON 11:2

Sian najolo, salang dompak si Saul dope raja mamarenta hami, laing na raja i do manguluhon rayat ni Israel marporang. Boti pe na dung marjanji do Tuhan tu raja i paboa na raja i noma na mamimpin halak ni Tuhan dohot na gabe raja ni halahi.”

HARURUAR 3:5

Dung i didok Debata ma, “Ulang padonok. Buka solopmi, angke di tano na badia do ho na jongjong on.”

HARURUAR 19:12

Baen ma batasna humaliang pat ni dolok on, tanda ni na so tola boluson ni bangso i. Baen ma larangan tu bangso i na so tola halahi manangkok tu dolok on, salang padonok-donokkon pe ulang. Sanga ise na manyalpui batas i, nimatehon do.

HARURUAR 4:10

Ninna si Musa ma, “Iale Tuhan, nada malo au manghobari, bope saonnari, sian dung mangkatai Tuhan dohot au, dokdok do dilangku, lambat do au mangkatai nada gartip.”

PAMUNGKAAN 31:2

Boti diida si Jakob nada songon na parjolo i be rama ni si Laban tusia.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:5

Didok si Josua ma tu halak Israel, “Paias hamu ma dirimunu, angke ancogot baenon ni Tuhan ma hahomangan di tonga-tongamunu.”

MASMUR 25:12

Diajarkon Tuhan do tu halak na unduk roha, dalan na giot bolusonna.

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.