JOSUA 24:8 - BIBEL JAMITA NA DENGGAN

⁸ Dung salpu i, Huoban ma hamu tu tano ni halak Amori na maringanan di Habincaran ni Batang aek Jordan. Dialo halahi hamu marporang, tapi monang do hamu maralohon halahi. Dirampas hamu tano ni halahi jana Hupatimpas halahi di na maju hamu mangaroro halahi.

JOSUA 24:8 Referans Kwoze

NEHEMIA 9:22

Dilehen Ho di halahi hamonangan maradopkon bahat bangso dohot harajaan, songon i maradopkon sandok luat, huta dohot tano na marbalokkon tano ni halahi sandiri. Hesbon tano ni Raja Sihon dirampas halahi; Basan tano ni Raja Og diingani halahi.

JOSUA 13:10

Torus ma i mabidang lopus tu luat parbatasan ni Amon, dohot sude angka kota na jungada dirajai si Sihon raja ni Amori na maringanan di Hesbon.

PANGARATAION 2:32

Jadi ro ma si Sihon dohot sude parangannia laho mamorangi hita di lambung ni kota Jahas,

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

AMOS 2:9

Haru songon i pe ale bangsongKu, hara ni hamu do umbaen na Huabisi halak Amori na ginjang-ginjang i songon bona ni tusam dohot na gogo-gogo i songon bona ni sampinur.

AMOS 2:10

Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.