JOSUA 24:6 - BIBEL JAMITA NA DENGGAN

⁶ Au do maroban ompumunu haruar sian Mesir, lalu ro angka halak Mesir mangkojar halahi mardongan angka kareta porang dohot tentara na markudo. Jana di na lalu angka ompumunu i di Laut Rara,

JOSUA 24:6 Referans Kwoze

IBRANI 11:29

Hara ni haporsayaan, gabe tartaripari halak Israel do Laut Rara songon na mamolus di tano na mahiang, hape anggo halak Mesir dibondut laut i do di na nicubo ni halahi manyiborang muse.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

MASMUR 78:13

Dibola Ia laut i, jana dipataripar Ia halahi; ditembok Ia aek i, songon tembok.

NEHEMIA 9:11

Laho mambaen dalan di bangsoMu, laut dibolahon Ho; di dalan na so maraek halahi dipataripar Ho. Marmogapan angka na mangkojar halahi di aek na bagas, songon batu na bonom di laut na jingar boti na ganas.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 12:37

Mardalan ma halak Israel sian Ramses tu kota Sukot. Bahat ni halahi adong do 600.000 halak so padohot dadaboru dohot dakdanak.