JOSUA 24:33 - BIBEL JAMITA NA DENGGAN

³³ Dung i marujung muse ma ngolu ni si Eleasar anak ni si Harun jana dikuburkon di Gibea, i ma sada kota na di luat partoran Efraim. Madung dilehen kota i tu si Pinehas anak ni si Eleasar.

JOSUA 24:33 Referans Kwoze

JOSUA 22:13

Jadi diutus halak Israel ma si Pinehas anak ni Malim Eleasar mandapotkon Marga Ruben, Gad dohot Manase Parhabincaran di tano Gilead.

HARURUAR 6:25

Si Eleasar anak ni si Harun marbagas dohot boru ni si Putiel, anak ni halahi i ma si Pinehas. On ma horong sian Marga Levi.

IBRANI 7:24

Tapi anggo Jesus mangolu do salolot-lolotna, jadi nada pinda be tu halak na asing jabatanNia i.

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

ZAKARIA 1:5

Ma di dia he angka ompumunu i saonnari? Jana angka panurirang, mangolu ma he lakna halahi salolot ni lolotna?

MASMUR 49:10

Sanga ise pe tarbaensa do mangaligi, halak na marroha pe laing mate do. Halak na bodo dohot na oto laing rap abis, jana manadingkon sinadonganna di halak na asing.

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

HAKIM-HAKIM 20:28

jana si Pinehas anak ni si Eleasar, pahompu ni si Harun do na markarejo gabe malim. Jadi marsapa ma rayat i tu Tuhan, “Tuhan, angkon laing kehe dope hami mamorangi angka kahangginami halak Benyamin i, sanga na angkon antahonanmi do porang on?” Dialusi Tuhan ma, “Pajolo hamu ma mamorangi halahi! Ancogot lehenonKu ma hamonangan di hamu.”

JOSUA 14:1

Ihut ma muse dison baritana sanga songon dia parbagina Luat Kanaan na di Hasundutan ni Batang aek Jordan di halak Israel. Anggo na marbagi-bagi tano i tu halak Israel, Malim Eleasar do, si Josua anak ni si Nun dohot angka kapala ni marga na sian marga-marga Israel.

BILANGAN 3:32

Kapala ni Marga Levi i ma si Eleasar, anak ni si Harun. Ia do na manyuru parkarejo di Inganan Na Badia i.

HARURUAR 6:23

Marbagas ma si Harun dohot si Eliseba, boru ni si Aminadap; iboto ni si Nahason, ditubuhon ia do si Nadab, si Abihu, si Eleasar dohot si Itamar.

HAKIM-HAKIM 17:8

Madung kehe ia sian Betlehem jana mardalan ma ia laho manjalahi tano siinganan na asing. Di pardalanan i, lalu ma ia di bagas ni si Mika di luat partoran Efraim.

1 SAMUEL 1:1

Adong ma sada bayo na margoar si Elkana, sian Marga Efraim. Maringanan di kota Rama na di pardolohan Efraim do ia. Si Elkana on i ma anak ni si Jeroham jana pahompu ni si Elihu. Masuk tu horong Tohu jana masuk tu Marga Zup.

1 SAMUEL 9:4

Jadi didalani si Saul ma dohot pangoloi i partoran Efraim dohot tano Salisa, tapi nada padumpang dohot halode i. Dung i dipatorus halahi ma mardalan tu tano Sahalim, tapi nada adong muse disi halode i. Dijalahi halahi muse do di luat ni Benyamin, tapi nada padumpang.

2 SAMUEL 20:21

Nada songon i anggo rohanami. Tapi adong sada bayo na margoar si Seba pompar ni si Bikri, na marasal sian luat na di partoran Efraim na mambaen paraloan tu Raja Daud. Pasahat ma bayo i, anso kehe au mundur sian kota on.” Didok anakboru i ma, “Hami danggurkon pe ulu ni bayo i tu tuan i sian tembok on.”

1 RAJA-RAJA 4:8

Sada halak ma na mangawasi Gubernur na dua bolas halak i. Angka on ma goar-goar ni Gubernur i dohot luat na nigomgoman ni halahi be: Si Ben-Hur: Di luat partoran Efraim. Si Ben-Deker: Di kota Makas, Saalbim, Bet-Semes, Elon, Bet-Hanan. Si Ben-Hesed: Di kota Arubot, Soko, sude Luat Hefer. Si Ben-Abinadap: Halaklahi ni si Tafat, boru ni si Salomo; sude Luat Dor. Si Baana anak ni si Ahilud: Kota Taanak, Megido, sude luat na di lambung ni Bet-Sean donok tu kota Sartan di Selatan ni kota Jisreel, lopus lalu tu kota Abel-Mehola dohot tu kota Jokmeam. Si Ben-Geber: Di kota Ramot na di Gilead, angka huta na di Gilead, tano ni Marga Jair pomparan ni si Manase, Luat Argob di Basan, adong do onom pulu kota na godang-godang na marbenteng jana margoruk-goruk tumbaga di angka horbanganna. Si Ahinadab anak ni si Ido di Luat Mahanaim. Si Ahimaas, halaklahi ni si Basmat boru ni si Salomo, di Luat Naftali: Si Baana anak ni si Husai di Luat Aser dohot Luat Alot. Si Josafat anak ni si Paruah, di Luat Isakar. Si Simei anak ni si Ela: Di Luat Benyamin. Si Geber anak ni si Uri: Di Luat Gilead, na jolo di toru ni kuaso ni si Sihon raja ni halak Amori dohot si Og raja ni Basan do on.

2 RAJA-RAJA 5:22

Dialusi si Gehasi ma, “Santabi tuan, na disuru do au mandok tu tuan i, on dope ro dua halak panurirang sian luat partoran Efraim. Jana hupangido tu tuan i, anso dilehen tolu ribu hepeng perak dohot dua pasang pakean na jeges di panurirang na dua i.”

HAKIM-HAKIM 18:13

Sian i mardalan ma halahi torus tu luat partoran Efraim lopus tu bagas ni si Mika.

ESRA 7:5

Abisua Pinehas Eleasar Malim Godang Harun