JOSUA 24:22 - BIBEL JAMITA NA DENGGAN

²² Dung i didok si Josua ma, “Antong, hamu sandiri ma saksina paboa na dung diputuskon hamu laho mangoloi hum tu Tuhan.” “Na tutu ma i,” ning halahi mangalusi, “hami sandiri ma saksina.”

JOSUA 24:22 Referans Kwoze

MASMUR 119:173

Sai urupi ma tongtong au angke huoloi do antong paraturanMu.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

JOB 15:6

Nada porlu hutuhas ho sanga na hupasala, angke niaduhon ho hara ni angka hatamu sandiri do.

PANGARATAION 26:17

Di ari sadari on, madung dioku hamu Tuhan do Debatamunu. Madung dijanjihon hamu laho mangoloi tuSia dohot patuluskon sude aturan dohot parentaNia.

LUKAS 19:22

Didok raja i ma tusia, ‘Naposo na jahat do ho! Hombar tu hata na nipardokkonanmi, uhumanku ma ho. Diboto ho do antong parmuruk au; hubuati do angka na so au puna jana husabi angka na so jongada husuan.

JOSUA 24:21

Jadi mangalusi ma angka halak Israel i, “Nada! Indangkon na mangoloi hami anggo tu angka debata na asing. Hum tu Tuhan sajo do hami mangoloi!”