JOSUA 24:13 - BIBEL JAMITA NA DENGGAN

¹³ Tano na dung Hulehen i di hamu, nada hamu na mangkarejohonsa. Jana angka kota na dung Hulehen i di hamu, nada hamu muse na pajongjongkonsa. Hape saonnari hamu ma na maringanan disi. Jana hamu muse ma na umboto dai ni batu ni anggur maradu parbatu ni zetun, hapengani nada hamu na manyuan bonana.’ ”

JOSUA 24:13 Referans Kwoze

PANGARATAION 8:7

Obanon ni Tuhan Debatamunu ma hamu tu sada tano na napu, sada luat na gok batang aek dohot mualna, maradu aek na marponot na marbuldak tu angka rura dohot angka tor;

PODA 13:22

Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.

JOSUA 21:45

Dipatulus Tuhan do sasude na dijanjihonNia tu halak Israel; sada pe nada adong na so dipatulusNia.

JOSUA 11:13

Tapi anggo angka kota na dipajongjong di ojahan na gincat, sada pe nada adong na nisurbu ni halak Israel, asing sian Hasor na nisurbu ni si Josua sandiri.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

PANGARATAION 19:1

“Dung diabisi Tuhan Debatamunu angka bangso i jana dilehen tu hamu tano i, gabe pambuatanmunu ma angka kotana i dohot angka bagas ni halahi lalu maringanan hamu disi,