JOSUA 23:10 - BIBEL JAMITA NA DENGGAN

¹⁰ Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.

JOSUA 23:10 Referans Kwoze

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

HAMALIMON 26:8

Lima pe sian hamu tarbaen mangalo saratus, jana saratus tarbaen mangalo sampulu ribu.

PANGARATAION 3:22

Ulang ho mabiar tu halahi, angke Tuhan Debatamu do na giot marporang di ho.’ ”

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

JOSUA 23:3

Madung diida hamu sandiri sandok na nipatupa ni Tuhan Debatamunu maradopkon sude bangso-bangso na dison hara ni hamu. Tuhan Debatamunu i sandiri do na marporang humopkop hamu.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

HAKIM-HAKIM 15:15

Dung i adong ma dapot ia holi-holi isang-isang ni halode na baru mate. Dibuat ia ma holi-holi i, i ma dipake ia laho mamukuli saribu halak lopus mate.

2 SAMUEL 23:8

Angka on ma perwira ni si Daud na tarbonggal goarna. Na parjolo i ma si Isbaal na sian Hakhmoni, na mamimpin “Pasukan Sitolu” (Triwira). Jungada do di sada parporangan dialo ia salapan ratus halak jana dimatehon ia sude dohot tombaknia.

HAKIM-HAKIM 3:31

Pamimpin na mangihut muse i ma si Samgar anak ni si Anat. Ia pe marporang do laho paluahon halak Israel. Dibunu ia do onom ratus halak Pilistin dohot tungkot pangayak ni lombu.

PANGARATAION 20:3

‘Hamu angka donganku sabangso! Di ari sadari on, na giot kehe ma hamu marporang. Ulang hamu mabiar tu angka musumunu i, sanga lepe, sanga pe golap rohamunu.

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

PANGARATAION 32:20

Didok ma, ‘Nada parduli Au di halahi, bangso sijogal roha na so setia i.’

JOSUA 23:11

Hara ni i, ingot hamu ma laho manghaholongi Tuhan Debatamunu.

JESAYA 30:17

Hum mida sada halak tentara ni musu pe, maporus ma hamu saribu halak, jana lima halak pe tentara ni halahi diida hamu, tuk ma i mambaen maporus hamu sudena. Na tading sian tentaramunu hum sada tiang ni mandera noma di ginjang ni puncut ni dolok.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

HAMALIMON 26:7

Taluhononmunu ma musumunu.

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.