JOSUA 22:25 - BIBEL JAMITA NA DENGGAN

²⁵ Ligi da, dibaen Tuhan do Batang aek Jordan on di tonga-tonganta, i ma na laho manyirang hami sian hamu angka halak Ruben dohot Gad. Tutu do na so adong bagi aha parsambunganmunu dohot Tuhan.’ Jana aha noma na tarjadi sanoli on? Mantak noma pomparannami i marsomba tu Tuhan baenon ni pomparanmunu i.

JOSUA 22:25 Referans Kwoze

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.

NEHEMIA 2:20

Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

1 RAJA-RAJA 15:30

Mardosa si Jerobeam jana patundania gabe mardosai halak Israel. Songon i ma dipagilap si Jerobeam muruk ni Tuhan, Debata na nisomba ni halak Israel i.

1 RAJA-RAJA 14:16

Tadingkonon ni Tuhan noma Israel hara ni na dung mardosa si Jerobeam jana patundania gabe mardosai muse halak Israel.”

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.

JOSUA 22:27

tapi anso gabe tanda do i di hita na dua pihak, dohot di pomparanta tu pudian ni ari, bahaso na tutu do hami on marsomba tu Tuhan di Bandar ParmiananNia i marhite na maroban haul situtungon, angka sihaulkonon dohot haul haluaan. Jadi muda songon i, nada dohonon ni pomparanmunu be bahaso na so adong sanga na aha parsambungan ni pomparannami dohot Tuhan.

JOSUA 22:24

Nada, hamu angka dongan! Nada songon i maksudnami! Hami pajongjong pe langgatan i, hara ni na gamang do hami sanoli on di pudian ni ari dokkonon ni angka pomparanmunu tu pomparannami, ‘Nada adong sanga na aha parsambunganmunu tu Tuhan, Debata ni Israel!

JOSUA 22:26

Jadi, i do dalanna umbaen na hami pajongjong sada langgatan. Nada na laho tu haul situtungon sanga laho tu angka sihaulkononnami,

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.