JOSUA 2:7 - BIBEL JAMITA NA DENGGAN

⁷ Jadi markehean ma antong suruan ni raja i jana manigor digoruk ma horbangan ni kota i disi haruar halahi. Dijalak-jalahi halahi ma mata-mata ni Israel i lopus tu inganan panariparan di Batang aek Jordan.

JOSUA 2:7 Referans Kwoze

HAKIM-HAKIM 3:28

“Ihutkon au,” ning ia tu halahi, “Madung ditaluhon Tuhan di hamu angka halak Moab musumunu.” Jadi manuat ma angka halak Israel i sian partoran i dipimpin si Ehud. Dibuat halahi ma inganan sitariparan ni halak Moab na di Batang aek Jordan. Umpe adong sahalak sian musu dipadiar malua manyiborang.

BAENON NI ANGKA RASUL 5:23

Ninna halahi ma, “Di na lalu hami di hurungan i, markunci do dapot hami angka pintu ni hurungan i jana disi do angka panjago i jongjong di jolo ni pintu i. Tapi di na hami buka pintu i, hape umpe sahalak dapot hami disi.”

HAKIM-HAKIM 12:5

Diingani halak Gilead na marporang i ma angka inganan panariparan na di Batang aek Jordan, anso tarbaen halahi manangkup angka halak Efraim na giot maporus. Ganop adong halak Efraim na giot maporus, mangido isin anso dipaloas taripar, disapai halak Gilead i ma, “Halak Efraim dehe ho?” Alusanna ma i, “Nada ale.”

JOSUA 2:5

Nangkin taran so ditutup horbangan ni kota, di na lusut mataniari, ma pola kehe halahi. Jana nada pola husapai sanga na tu dia halahi kehe. Tapi muda hipas do hamu mangkojar halahi dapot hamu dope halahi.” (

JOSUA 2:6

Hapengani na dung dioban si Rahab do mata-mata sidua halak i tu loteng ni bagasnia i jana ditabunihon ia halahi di toru ni bayon na gukguk disi.)

JOSUA 2:8

Di borngin i painte so modom mata-mata ni Israel sidua halak i, kehe ma si Rahab tu loteng,